2013 jylǵy 25 jeltoqsan, Astana, Úkimet Úıi
Qazaqstan Respýblıkasy Úkimetiniń «Júrgizýshilerdiń eńbegi men tynyǵýyn uıymdastyrý, sondaı-aq tahograftardy qoldaný qaǵıdasyn bekitý týraly» 2011 jylǵy 11 mamyrdaǵy №493 jáne «Qazaqstan Respýblıkasy Kólik jáne kommýnıkasııa mınıstrliginiń kóliktik baqylaý salasyndaǵy memlekettik qyzmet standarttaryn bekitý jáne Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» 2012 jylǵy 5 qyrkúıektegi №1153 qaýlylaryna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı ózgerister men tolyqtyrýlar engizilsin:
1) «Júrgizýshilerdiń eńbegi men tynyǵýyn uıymdastyrý, sondaı-aq tahograftardy qoldaný qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 11 mamyrdaǵy №493 qaýlysynda (Qazaqstan Respýblıkasynyń PÚAJ-y, 2011 j., № 37, 452-qujat):
kórsetilgen qaýlymen bekitilgen Júrgizýshilerdiń eńbegi men tynyǵýyn uıymdastyrý, sondaı-aq tahograftardy qoldaný qaǵıdasynda:
2-tarmaqta:
1) tarmaqsha mynadaı redaksııada jazylsyn:
«1) avtomobılmen tasymaldaýshy (budan ári – tasymaldaýshy) – menshik quqyǵynda nemese ózge de zańdy negizderde avtokólik quraldaryna ıelik etetin, jolaýshylardy, bagajdy, júkterdi nemese poshtany tasymaldaýda aqyly nemese jaldanyp qyzmetter kórsetetin jeke nemese zańdy tulǵa;»;
mynadaı mazmundaǵy 14-1) tarmaqshamen tolyqtyrylsyn:
«14-1) elektrondyq (sıfrlyq) tahograftarǵa elektrondyq kartochkalardy daıyndaýshy (budan ári – kartochkalardy daıyndaýshy) – elektrondyq (sıfrlyq) tahograftarǵa elektrondyq kartochkalardy daıyndaý jáne berý jónindegi qyzmetti júzege asyratyn jeke nemese zańdy tulǵa;»;
23) jáne 27) tarmaqshalar mynadaı redaksııada jazylsyn:
«23) ótinish berýshi – elektrondyq (sıfrlyq) tahografqa elektrondyq kartochka berý úshin kartochkalardy daıyndaýshyǵa ótinish bildirgen jeke nemese zańdy tulǵa;»;
«27) tahograf – júrgizýshilerdiń eńbek jáne demalys rejımin tirkeýdiń mehanıkalyq ne elektrondyq (sıfrlyq) baqylaý qurylǵysy;»;
mynadaı mazmundaǵy 3-1-tarmaqpen tolyqtyrylsyn:
«3-1. Osy Qaǵıdanyń 3-tarmaǵynda kórsetilgen tasymaldaýlardy júzege asyrý kezinde avtobýstardy, júk, onyń ishinde mamandandyrylǵan avtomobılderdi:
1) júrgizýshilerdiń eńbek jáne demalys rejımin tirkeýdiń baqylaý qurylǵylarynsyz (tahograftarsyz);
2) aqaýy joq tahografty ajyratyp;
3) dıagrammalyq dıskilerdi toltyrmaı;
4) buryn paıdalanylǵan dıagrammalyq dıskilerdi qoldanyp;
5) elektrondyq (sıfrlyq) tahograftardy qoldanǵan jaǵdaıda, elektrondyq kartochkalardy paıdalanbaı;
6) júrgizýshilerdiń eńbek jáne demalys rejımin kúndelikti tirkeý paraqtaryn júrgizbeı (baqylaý qurylǵysynyń aqaýy bolǵan jaǵdaıda) paıdalanýǵa jol berilmeıdi.»;
53, 71, 97, 98 jáne 103-tarmaqtar mynadaı redaksııada jazylsyn:
«53. Tahograftardy ornatý jáne olarǵa qyzmet kórsetý jónindegi jumystardy júrgizýdi oblystardyń, respýblıkalyq mańyzy bar qalanyń, astananyń jergilikti atqarýshy organdaryna tahograftardy ornatý jáne olarǵa qyzmet kórsetý jónindegi qyzmettiń júzege asyryla bastaǵany týraly belgilengen nysandaǵy habarlamany bergen jeke nemese zańdy tulǵalar júzege asyrady.»;
«71. Tahograftardy ornatý jáne olarǵa qyzmet kórsetý jónindegi qyzmettiń júzege asyryla bastaǵany týraly habarlama bergen jeke jáne zańdy tulǵalardyń tizilimine engizilgen belginiń nysanyn, mazmunyn jáne bederin Qazaqstan Respýblıkasy Kólik jáne kommýnıkasııa mınıstrligi (budan ári – Mınıstrlik) bekitedi jáne olar KQEK talaptaryna sáıkes kelýi tıis.»;
«97. Tahograftardy ornatý jáne olarǵa qyzmet kórsetý jónindegi qyzmettiń júzege asyryla bastaǵany týraly habarlamany bergen jeke jáne zańdy tulǵalardyń tizilimin (budan ári – tizilim) oblystardyń, respýblıkalyq mańyzy bar qalanyń, astananyń jergilikti atqarýshy organdary júrgizedi.»;
«98. Jeke nemese zańdy tulǵalar tahograftardy ornatý jáne olarǵa qyzmet kórsetý jónindegi qyzmetti júzege asyrýdy bastamas buryn oblystardyń, respýblıkalyq mańyzy bar qalanyń, astananyń jergilikti atqarýshy organdaryna belgilengen nysanda habarlama jiberýge mindetti.»;
«103. Jeke tulǵanyń turǵylyqty mekenjaıy, zańdy tulǵanyń ornalasqan jeri, habarlamada kórsetilgen qyzmetti nemese is-qımyldy júzege asyrý mekenjaıy, sondaı-aq habarlamada toltyrý úshin ol týraly aqparat mindetti bolyp tabylatyn tirkeý derekteri ózgergen jaǵdaıda, sýbekt on jumys kúni ishinde kórsetilgen ózgerister týraly oblystardyń, respýblıkalyq mańyzy bar qalalardyń, astananyń jergilikti atqarýshy organdaryna habarlama berýge mindetti.»;
6-bólimniń taqyryby mynadaı redaksııada jazylsyn:
«6. Elektrondyq (sıfrlyq) tahograftarǵa elektrondyq kartochkalardy sertıfıkattaý, daıyndaý jáne berý tártibi»;
112-tarmaq mynadaı redaksııada jazylsyn:
«112. Elektrondyq (sıfrlyq) tahograftarǵa elektrondyq kartochkalardy daıyndaýdy jáne berýdi «Ákimshilik rásimder týraly» Qazaqstan Respýblıkasynyń Zańynda belgilengen tártippen ýákiletti organǵa belgilengen nysanda elektrondyq (sıfrlyq) tahograftarǵa elektrondyq kartochkalardy daıyndaý jáne berý jónindegi qyzmettiń júzege asyryla bastaǵany týraly habarlama bergen jeke nemese zańdy tulǵalar júzege asyrady.»;
mynadaı mazmundaǵy 112-1, 112-2, 112-3, 112-4 jáne 112-5-tarmaqtarmen tolyqtyrylsyn:
«112-1. Elektrondyq (sıfrlyq) tahograftarǵa elektrondyq kartochkalardy daıyndaý jáne berý jónindegi qyzmettiń júzege asyryla bastaǵany týraly habarlama bergen jeke jáne zańdy tulǵalardyń tizilimin (budan ári – kartochkalardy daıyndaýshylar tizilimi) ýákiletti organ júrgizedi.
112-2. Kartochkalardy daıyndaýshylardy tizilimnen alyp tastaý sýbektiniń ótinishi, dara kásipkerdiń nemese zańdy tulǵanyń qyzmetine nemese qyzmetiniń jekelegen túrlerine tyıym salý týraly sot sheshimi boıynsha Qazaqstan Respýblıkasynyń zańdarynda kózdelgen ózge de jaǵdaılarda júzege asyrylady.
112-3. Kartochkany daıyndaýshy elektrondyq (sıfrlyq) tahograftarǵa elektrondyq kartochkalardy daıyndaý jáne berý jónindegi jumysty júzege asyrýdy bastamas buryn jáne belgilengen nysanda habarlama jibermes buryn kóliktik baqylaý salasyndaǵy ýákiletti organmen elektrondyq (sıfrlyq) tahograftarǵa kartochkalardyń úlgilerin kelisedi.
112-4. Kartochkany daıyndaýshy:
1) elektrondyq (sıfrlyq) tahograftarǵa berilgen, qoldanystaǵy, joǵalǵan jáne almastyrylǵan kartochkalar týraly derekterdi jazady;
2) basqa tulǵalarǵa kartochkanyń PIN-kodyn jarııalamaıdy;
3) kartochkalardyń basqa tulǵalardyń qoldaný múmkindigi týraly kóliktik baqylaý salasyndaǵy ýákiletti organǵa habarlaıdy;
4) elektrondyq (sıfrlyq) tahograftarǵa elektrondyq kartochkalardy daıyndaý jáne berý boıynsha oryndalǵan jumystar týraly aqparatty tirkeý jáne esepke alý jýrnalyn júrgizedi.
112-5. Kartochkalardy daıyndaýshy baǵdarlamalyq-tehnıkalyq quraldardy Tahograftar boıynsha derekqorǵa qosýdy qamtamasyz etedi.»;
131-tarmaq mynadaı redaksııada jazylsyn:
«131. Kartochkalar berýdi kartochkalardy daıyndaýshy júzege asyrady.
Kartochkalardyń kúshin joıý týraly sheshim qabyldaýdy kóliktik baqylaý salasyndaǵy ýákiletti organ júzege asyrady.»;
132-tarmaqtyń 3) tarmaqshasy mynadaı redaksııada jazylsyn:
«3) burynǵy kartochkany jasaý kezinde kartochkalardy daıyndaýshyǵa berilgen derekter ózgergende;»;
134-tarmaqtyń birinshi abzasy mynadaı redaksııada jazylsyn:
«134. Júrgizýshi kartochkasyn berý úshin kartochkalardy daıyndaýshyǵa mynadaı qujattar usynylady:»;
136-tarmaqtyń birinshi abzasy mynadaı redaksııada jazylsyn:
«136. Tasymaldaýshy kartochkasyn berý úshin kartochkalardy daıyndaýshyǵa mynadaı qujattar usynylady:»;
138-tarmaqtyń birinshi abzasy mynadaı redaksııada jazylsyn:
«138. Servıs ortalyǵynyń kartochkasyn berý úshin kartochkalardy daıyndaýshyǵa mynadaı qujattar usynylady:»;
139-tarmaq mynadaı redaksııada jazylsyn:
«139. Baqylaý kartochkasy kóliktik baqylaý jáne jol qozǵalysy qaýipsizdigi salasyndaǵy ýákiletti organnyń qyzmetkerlerine beriledi.
Kóliktik baqylaý ınspektory ne jol polısııasy ınspektory qoldanystaǵy bir baqylaý kartochkasyn ǵana ıelene alady.
Baqylaý kartochkalary eki jyl merzimge beriledi.»;
140-tarmaqtyń birinshi abzasy mynadaı redaksııada jazylsyn:
«140. Baqylaý kartochkasyn berý úshin kartochkalardy daıyndaýshyǵa mynadaı qujattar usynylady:»;
140-1, 143, 145, 146 jáne 147-tarmaqtar mynadaı redaksııada jazylsyn:
«140-1. Kartochkany daıyndaýshy 15 jumys kúnnen keshiktirmeı tıisti qujattardy bergennen keıin júrgizýshiniń, tasymaldaýshynyń, servıs ortalyǵynyń kartochkalaryn nemese baqylaý kartochkasyn berýdi ne olardy berýden dáleldi bas tartýdy júzege asyrady.»;
«143. Eger burynǵy kartochkany bergen kezde kartochkany daıyndaýshyǵa berilgen derekter ózgerse, kartochkany berýge arnalǵan ótinish tıisti ózgerister engizilgen sátten bastap kúntizbelik 15 kúnnen keshiktirmeı beriledi.»;
«145. Kartochkany daıyndaýshy osy Qaǵıdanyń 135, 137, 139, 141-tarmaqtarynda kórsetilgen О́tinish berýshi usynǵan qujattardaǵy derekterdi tirkeıdi.
146. Berilgen kartochkalardy jáne kartochkalardy berýge arnalǵan ótinishterdi tirkeýdi kartochkalardy daıyndaýshy arnaıy jýrnalda júrgizedi.
147. Kartochkalardy daıyndaýshy kartochka berý úshin alynǵan ótinishter jóninde tirkelgen derekterdi ne О́tinish berýshide kartochkalar bolǵan jaǵdaıda olardy berýden bas tartýdy kóliktik baqylaý salasyndaǵy ýákiletti organǵa usynady.»;
148-tarmaq alynyp tastalsyn;
150, 151, 152 jáne 154-tarmaqtar mynadaı redaksııada jazylsyn:
«150. Berilgen kartochkalar jónindegi qujattar olardyń qoldanylý merzimi aıaqtalǵanǵa deıin kartochkalardy daıyndaýshyda saqtalady.
151. Kartochkalardyń kúshin joıý nemese kúshin joıýdan bas tartý týraly sheshim qabyldanǵan jaǵdaıda, kartochkalardy daıyndaýshy ol týraly kóliktik baqylaý salasyndaǵy ýákiletti organdy nemese kartochkany ustanýshyny habardar etedi.
152. Kóliktik baqylaý salasyndaǵy ýákiletti organ berilgen jáne kúshi joıylǵan kartochkalar týraly derekterdi óziniń janynan qurylǵan tizilimge engizedi.»;
«154. Kartochkany urlatyp nemese joǵaltyp alǵan jaǵdaılardy qospaǵanda, kartochkanyń kúshi joıylǵan jaǵdaıda, kartochkany ustaýshy ony kúntizbelik 15 kúnniń ishinde kartochkalardy daıyndaýshyǵa qaıtarady.»;
155-tarmaqtyń 2) tarmaqshasy mynadaı redaksııada jazylsyn:
«2) kartochkany berý kezinde kartochkalardy daıyndaýshyǵa usynǵan derekter ózgergende;»;
156-tarmaqtyń birinshi abzasy mynadaı redaksııada jazylsyn:
«156. Kóliktik baqylaý salasyndaǵy ýákiletti organ kartochkanyń kúshin joıý týraly sheshimdi mynadaı jaǵdaılarda qabyldaıdy:»;
156-tarmaqtyń 4) tarmaqshasy mynadaı redaksııada jazylsyn:
«4) kartochkany ustaýshynyń qaıtys bolýy, tasymaldaýshynyń, servıs ortalyǵynyń nemese kóliktik baqylaý jáne jol qozǵalysy qaýipsizdigi salasyndaǵy ýákiletti organdarynyń joıylýy (qyzmetin toqtatýy);»;
157-tarmaq mynadaı redaksııada jazylsyn:
«157. Kartochkanyń kúshi joıylǵan jaǵdaıda, ótinish berýshi kartochkany alý úshin osy Qaǵıdada kózdelgen tártippen kartochkalardy daıyndaýshyǵa ótinish jasaı alady.»;
158-tarmaqtyń 7), 8), 9) jáne 11) tarmaqshalary mynadaı redaksııada jazylsyn:
«7) eger kartochkanyń PIN-kody joǵalǵan bolsa nemese úshinshi tulǵaǵa belgili bolsa, jańa kartochka alýǵa kartochkalardy daıyndaýshyǵa qujattar tapsyrady ne kartochkanyń kúshin joıýǵa erkin túrde jazbasha ótinish beredi;
8) kartochkanyń búliný, joǵalý nemese urlaný faktileri belgili bolǵannan keıin kúntizbelik on kún ishinde kartochkalardy daıyndaýshy jańa kartochkany berýge nemese kartochkanyń búliný, joǵalý nemese urlaný jaǵdaıyn kórsetý arqyly erkin nysandaǵy jazbasha ótinish jáne kartochka joǵalǵan nemese urlanǵan jaǵdaıda, kartochkanyń joǵalǵanyn ne urlanǵanyn rastaıtyn qujattardy beredi;
9) aǵymdaǵy kartochkany alý úshin eger kartochkalardy daıyndaýshyǵa bergen derekter ózgerse, kúntizbelik 15 kúnnen keshiktirmeı kartochkalardy daıyndaýshyǵa jańa kartochkany berýge qujattardy ne kartochkany joıýǵa erkin nysandaǵy jazbasha ótinish beredi;»;
«11) kartochkanyń joǵalý, urlaný jaǵdaılaryn qospaǵanda, eger kartochka jaramsyz bolyp tabylsa, kúntizbelik 15 kún ishinde kartochkany kartochkalardy daıyndaýshyǵa tapsyrady.».
2) «Qazaqstan Respýblıkasy Kólik jáne kommýnıkasııa mınıstrliginiń kóliktik baqylaý salasyndaǵy memlekettik qyzmet standarttaryn bekitý jáne Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2012 jylǵy 5 qyrkúıektegi № 1153 qaýlysyna (Qazaqstan Respýblıkasynyń PÚAJ-y, 2012 j., № 70, 1007-qujat):
1-tarmaqtyń 2) jáne 5) tarmaqshalary alynyp tastalsyn:
kórsetilgen qaýlymen bekitilgen «Jolaýshylardy oblysaralyq qalaaralyq, aýdanaralyq (oblysishilik qalaaralyq) jáne halyqaralyq qatynastarda avtobýstarmen, shaǵyn avtobýstarmen turaqty emes tasymaldaý, sondaı-aq jolaýshylardy halyqaralyq qatynasta avtobýstarmen, shaǵyn avtobýstarmen turaqty tasymaldaý qyzmetimen aınalysý quqyǵyna lısenzııa berý, qaıta resimdeý, lısenzııa telnusqasyn berý» memlekettik qyzmet standartynda:
1-tarmaq mynadaı redaksııada jazylsyn:
«1. «Jolaýshylardy oblysaralyq qalaaralyq, aýdanaralyq (oblysishilik qalaaralyq) jáne halyqaralyq qatynastarda avtobýstarmen, shaǵyn avtobýstarmen turaqty emes tasymaldaý, sondaı-aq jolaýshylardy halyqaralyq qatynasta avtobýstarmen, shaǵyn avtobýstarmen turaqty tasymaldaý qyzmetimen aınalysý quqyǵyna lısenzııa berý, qaıta resimdeý, lısenzııa telnusqasyn berý» memlekettik qyzmetin (budan ári – memlekettik qyzmet) oblystardyń, respýblıkalyq mańyzy bar qalanyń, astananyń jergilikti atqarýshy organdary Qazaqstan Respýblıkasy Kólik jáne kommýnıkasııa mınıstrligi Memlekettik qyzmetterdi avtomattandyrýdy baqylaý jáne halyqqa qyzmet kórsetý ortalyqtarynyń qyzmetin úılestirý komıtetiniń «Halyqqa qyzmet kórsetý ortalyqtary» respýblıkalyq memlekttik kásiporny (budan ári – HQO) arqyly osy standartqa 1 jáne 2-qosymshalarda kórsetilgen mekenjaılar boıynsha, sondaı-aq www.elicense.kz «E-lısenzııalaý» veb-portaly (budan ári – portal) arqyly kórsetedi.»;
3-tarmaq mynadaı redaksııada jazylsyn:
«3. Memlekettik qyzmet «Avtomobıl kóligi týraly» 2003 jylǵy 4 shildedegi Qazaqstan Respýblıkasy Zańynyń 14, 16-baptaryna, «Lısenzııalaý týraly» 2007 jylǵy 11 qańtardaǵy Qazaqstan Respýblıkasy Zańynyń 16-babyna, «Aqparattandyrý týraly» 2007 jylǵy 11 qańtardaǵy Qazaqstan Respýblıkasy Zańynyń 29-babyna sáıkes júzege asyrylady.»;
4-tarmaqtyń 1) tarmaqshasy mynadaı redaksııada jazylsyn:
«1) osy standartqa 1-qosymshaǵa sáıkes oblystardyń, respýblıkalyq mańyzy bar qalanyń, astananyń jergilikti atqarýshy organdarynyń ınternet-resýrsynda;»;
12, 16, 17, 19, 20 jáne 21-tarmaqtar mynadaı redaksııada jazylsyn:
«12. HQO-da bekitilgen nysandaǵy ótinish blankileri kútý zalynda arnaıy oryndarda ne HQO qyzmetkerinde, sondaı-aq HQO: www.con.gov.kz., oblystardyń, respýblıkalyq mańyzy bar qalanyń, astananyń jergilikti atqarýshy organdarynyń osy standartqa 1-qosymshaǵa sáıkes ınternet-resýrsynda ornalastyrylady.»;
«16. HQO memlekettik qyzmetti alýshy osy standartqa 11-tarmaǵynda kórsetilgen qujattardyń birin usynbaǵan jaǵdaıda qujattardy qabyldaýdan bas tartady.
Oblystardyń, respýblıkalyq mańyzy bar qalanyń, astananyń jergilikti atqarýshy organdary lısenzııany berýden mynadaı:
1) atalǵan sýbektiler sanaty úshin qyzmet túrlerimen aınalysý Qazaqstan Respýblıkasynyń zańnamasymen tyıym salynǵan;
2) qyzmet túrine lısenzııa berýge arnalǵan ótinish berilgen jaǵdaıda, qyzmettiń jekelegen túrimen aınalysý quqyǵyna lısenzııalyq alym engizilmegen;
3) ótinish berýshi biliktilik talaptaryna sáıkes kelmegen;
4) ótinish berýshige qatysty oǵan qyzmettiń jeke túrimen aınalysýǵa tyıym salatyn sottyń úkimi zańdy kúshine engen;
5) sot atqarýshysynyń usynymy negizinde sot ótinish berýshige lısenzııa alýǵa tyıym salǵan jaǵdaılarda;
6) «Aqparattandyrý týraly» 2007 jylǵy 11 qańtardaǵy Qazaqstan Respýblıkasy Zańynyń 40-babynda kózdelgen negizder bolǵan jaǵdaılarda, bas tartady.
17. Oblystardyń, respýblıkalyq mańyzy bar qalanyń, astananyń jergilikti atqarýshy organdary men HQO-nyń memlekettik qyzmetti alýshylarǵa qatysty qyzmeti sypaıylyq, tolyq aqparat usyný, onyń saqtalýyn, qorǵalýyn jáne qupııalylyǵyn qamtamasyz etý qaǵıdattaryna jáne adamnyń konstıtýsııalyq quqyqtarynyń, qyzmettik boryshyn atqarý kezinde zańdylyqtyń, Memlekettik qyzmetshilerdiń ar-namys kodeksiniń saqtalýyna negizdeledi.»;
«19. Oblystardyń, respýblıkalyq mańyzy bar qalanyń, astananyń jergilikti atqarýshy organdarynyń jumysy baǵalanatyn memlekettik qyzmetterdiń sapasy men tıimdiligi kórsetkishteriniń nysanaly mánderi jyl saıyn olardyń tıisti normatıvtik quqyqtyq aktilerimen bekitiledi.
20. Oblystardyń, respýblıkalyq mańyzy bar qalanyń, astananyń jergilikti atqarýshy organdary mamanynyń nemese HQO qyzmetkeriniń áreketine (áreketsizdigine) shaǵymdaný tártibin túsindirý jáne shaǵymdy daıyndaýda járdem kórsetý úshin memlekettik qyzmetti alýshy tıisti ákimniń atyna nemese HQO-ǵa osy standartqa 1 jáne 2-qosymshalarda kórsetilgen mekenjaılar men telefondar arqyly júginedi.
Shaǵymdaný tártibi týraly aqparatty «elektrondyq úkimet» call-ortalyǵynyń aqparattyq-anyqtama qyzmetiniń 1414 telefony arqyly alýǵa bolady.
21. Kórsetilgen memlekettik qyzmet nátıjelerimen kelispegen jaǵdaıda, shaǵym qaǵaz tasyǵyshta oblystardyń, respýblıkalyq mańyzy bar qalanyń, astananyń jergilikti atqarýshy organdaryna demalys jáne mereke kúnderin qospaǵanda, saǵat 13.00-den saǵat 14.00-ge deıin túski asqa úzilispen, jumys kúnderi saǵat 9.00-den saǵat 18.00-ge deıin osy standartqa 1 jáne 2-qosymshalarda kórsetilgen mekenjaılarǵa beriledi.
Kórsetiletin memlekettik qyzmetti alýshynyń shaǵymy tirkelgen kúninen bastap bes jumys kúni ishinde qaralady.»;
22-tarmaq mynadaı mazmundaǵy ekinshi bólikpen tolyqtyrylsyn:
«Kórsetiletin memlekettik qyzmetti alýshynyń shaǵymy tirkelgen kúninen bastap bes jumys kúni ishinde qaralady.»;
mynadaı mazmundaǵy 22-1-tarmaqpen tolyqtyrylsyn:
«22-1. Kórsetilgen memlekettik qyzmet nátıjelerimen kelispegen jaǵdaıda, kórsetiletin memlekettik qyzmetti alýshy memlekettik qyzmetter kórsetý sapasyn baǵalaý jáne baqylaý jónindegi ýákiletti organǵa shaǵymdanýǵa quqyly.
Kórsetiletin memlekettik qyzmetti alýshynyń shaǵymy tirkelgen kúninen bastap on bes jumys kúni ishinde qaralady.»;
kórsetilgen Standartqa 1 jáne 5-qosymshalar osy qaýlyǵa 1 jáne 2-qosymshalarǵa sáıkes jańa redaksııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2013 jylǵy 25 jeltoqsandaǵy №1399 qaýlysyna 1-qosymsha
«Jolaýshylardy oblysaralyq qalaaralyq, aýdanaralyq (oblysishilik qalaaralyq) jáne halyqaralyq qatynastarda avtobýstarmen, shaǵyn avtobýstarmen turaqty emes tasymaldaý, sondaı-aq jolaýshylardy halyqaralyq qatynasta avtobýstarmen, shaǵyn avtobýstarmen turaqty tasymaldaý boıynsha qyzmetpen aınalysý quqyǵyna lısenzııa berý, qaıta resimdeý, lısenzııa telnusqasyn berý» memlekettik qyzmet standartyna 1-qosymsha
Jergilikti atqarýshy organdar tizbesi
r/s № Ákimdikterdiń ataýy Tolyq zańdy mekenjaıy Baılanys telefony, elektrondyq poshta mekenjaıy
1 2 3 4
1 Almaty oblysynyń ákimdigi Taldyqorǵan qalasy, Táýelsizdik kóshesi, 38 8(7282) 27-08-18
www.zhetysu-gov.kz
2 Pavlodar oblysynyń ákimdigi Pavlodar qalasy, Akademık Sátpaev kóshesi, 49 8(7182) 32-33-35
www.pavlodar.gov.kz
3 Ońtústik Qazaqstan oblysynyń ákimdigi Shymkent qalasy Táýke han kóshesi, 6 8(7252) 53-74-07 www.ontustik.gov.kz
4 Atyraý oblysynyń ákimdigi Atyraý qalasy, Áıteke bı kóshesi, 77 8(7122) 35-40-92
www.e-atyrau.kz
5 Shyǵys Qazaqstan oblysynyń ákimdigi О́skemen qalasy,
M.Gorkıı kóshesi, 40 8(7232) 57-85-80 www.akimvko.gov.kz
6 Qaraǵandy oblysynyń ákimdigi Qaraǵandy qalasy,
Álıhanov kóshesi, 13 8(7212) 42-10-45
www.karaganda-region.kz
7 Qyzylorda oblysynyń ákimdigi Qyzylorda qalasy,
Jahaev kóshesi, 76 8(7242) 27-00-81
www.e-kyzylorda.gov.kz
8 Astana qalasynyń ákimdigi Astana qalasy, Beıbitshilik kóshesi, 11 8(7172) 55-64-23
www.astana.kz
9 Qostanaı oblysynyń ákimdigi Qostanaı qalasy, Ál-Farabı kóshesi, 66 8(7142) 57-50-02 www.kostanay.gov.kz
10 Aqmola oblysynyń ákimdigi Kókshetaý qalasy, Abaı kóshesi, 83 8(7162) 29-72-00 www.akim@akmo.kz
11 Aqtóbe oblysynyń ákimdigi Aqtóbe qalasy, Ábilhaıyrhan kóshesi, 40 8(7132) 54-36-30 www.akto.kz
12 Soltústik Qazaqstan oblysynyń ákimdigi Petropavl qalasy, Kazaqstan Konstıtýsııasy kóshesi, 58 8(7152) 46-42-70 www.sko.kz
13 Mańǵystaý oblysynyń ákimdigi Aqtaý qalasy, 14 shaǵyn aýdany 1-úı 8(7292) 31-42-15 www.mangystau.kz
14 Batys Qazaqstan oblysynyń ákimdigi Oral qalasy, Dostyq dańǵyly, 179 8(7112) 51-08-82 www.bko.gov.kz
15 Jambyl oblysynyń ákimdigi Taraz qalasy, Abaı kóshesi, 125 8(7262) 43-18-22 www.zhambyl.kz
16 Almaty qalasynyń ákimdigi Almaty qalasy, Respýblıka alańy, 4 8(7272) 71-60-50 www.almaty.kz
Qazaqstan Respýblıkasy Úkimetiniń
2013 jylǵy 25 jeltoqsandaǵy №1399 qaýlysyna 2-qosymsha
«Jolaýshylardy oblysaralyq qalaaralyq, aýdanaralyq (oblysishilik qalaaralyq) jáne halyqaralyq qatynastarda avtobýstarmen, shaǵyn avtobýstarmen turaqty emes tasymaldaý, sondaı-aq jolaýshylardy halyqaralyq qatynasta avtobýstarmen, shaǵyn avtobýstarmen turaqty tasymaldaý boıynsha qyzmetpen aınalysý quqyǵyna lısenzııa berý, qaıta resimdeý, lısenzııa telnusqasyn berý» memlekettik qyzmet standartyna 5-qosymsha
Jolaýshylardy oblysaralyq qalaaralyq, aýdanaralyq (oblysishilik qalaaralyq) jáne halyqaralyq qatynastarda avtobýstarmen, shaǵyn avtobýstarmen turaqty emes tasymaldaý, sondaı-aq jolaýshylardy halyqaralyq qatynasta avtobýstarmen, shaǵyn avtobýstarmen turaqty tasymaldaý qyzmetin júzege asyrýǵa qoıylatyn biliktilik talaptaryna sáıkes qujattar tizbesi
1) menshik quqyǵyndaǵy nemese ózge zańdy negizderde avtobýstar men shaǵyn avtobýstardyń bar ekenin rastaıtyn qujattardyń kóshirmeleri;
2) menshik quqyǵynda nemese ózge de zańdy negizderde tasymaldaýshyǵa tıesili jóndeý-óndiristik bazasynyń bar ekenin rastaıtyn qujattardyń ne uıymmen(-darmen) jasasqan qyzmetter kórsetý týraly sharttyń kóshirmeleri;
3) avtobýstar men shaǵyn avtobýstarǵa reıs aldyndaǵy tehnıkalyq baıqaý, júrgizýshilerge reıs aldyndaǵy (aýysym aldyndaǵy) medısınalyq tekserý júrgizý úshin qyzmetterdiń jáne bilikti personaldyń bar ekenin rastaıtyn qujattardyń ne osyndaı qyzmetti júzege asyratyn tıisti uıymdarmen sharttardyń kóshirmeleri;
4) tahograftardy tekserý týraly tıisti sertıfıkattyń kóshirmeleri;
5) avtobýstar men shaǵyn avtobýstar ıeleriniń azamattyq-quqyqtyq jaýapkershiligin mindetti saqtandyrý shartynyń jáne tasymaldaýshynyń jolaýshylar aldyndaǵy azamattyq-quqyqtyq jaýapkershiligin mindetti saqtandyrý sharttarynyń, sondaı-aq tasymaldaýǵa usynylatyn barlyq jyljymaly quramǵa mindetti tehnıkalyq baıqaýdan ótkizý týraly kýálikterdiń kóshirmeleri;
6) jeke tulǵa úshin – tıisti sanattaǵy júrgizýshi kýáliginiń ne zańdy tulǵa úshin júrgizýshi quramynyń tıisti sanattaǵy júrgizýshi kýálikteriniń, tıisti sanattaǵy kólik quraldary júrgizýshisiniń jumys ótilin rastaıtyn qujattyń kóshirmeleri;
7) tasymaldardy júzege asyrý qaýipsizdigi úshin jaýapty tulǵany aıqyndaý týraly buıryqtyń kóshirmeleri.
Salystyryp tekserý úshin túpnusqalary usynylmaǵan jaǵdaıda, memlekettik qyzmetti alýshy joǵaryda kórsetilgen qujattardyń notarıaldy kýálandyrylǵan kóshirmelerin usynady.
