Argentınanyń eki stýdenti sýsyz jumys isteıtin kir jýǵysh mashına oılap shyǵardy. Bul týraly ITAR-TASS agenttigi habarlady.
Kordova ulttyq ýnıversıtetiniń stýdentteri Nıkolas Araııa men Nıkolas Výksanovık bul ónertabystaryn dıplomdyq jumys retinde tanystyrdy. Araııa men Výksanovık óz jańalyqtary arqyly qazirgi kezde basty problemalardyń birine aınalǵan tushy sýdyń tapshylyǵymen kúresýge óz úlesterin qospaqshy. Osy maqsatta olar jańa kir jýǵysh mashınany qurastyrýǵa kirisken eken.
«Nımbýs» ataýyn alǵan bul mashına múldem sý paıdalanbaıdy. Oǵan tek tabıǵı kómirqyshqyl gazy men patenttelgen ekologııalyq taza kir jýý quraly qajet. Sonymen qatar, ol elektr qýatyn da kádimgi kir jýǵysh mashınadan góri anaǵurlym az jumsaıdy. Jańa quraldyń taǵy bir ereksheligi, onymen jýylǵan kıimdi keptirýdiń de, útikteýdiń de qajeti joq.
О́nertabystary úshin ónerkásiptik dızaın salasyndaǵy eki jas maman eń joǵary degen baǵaǵa laıyq dep tanyldy. Olar ózderiniń jańa kir jýǵysh mashınalaryn patenttep te qoıǵan eken.
Aıdar О́risbaev.
Derekkóz: Itar-tass.com
Foto: Itar-tass.com
