2013 jylǵy 13 qyrkúıek, Astana qalasy
Júzege asyrylatyn mindetterdi oryndaý úshin qajetti jáne jetkilikti derbes derekterdiń tizbesin bekitý týraly
«Derbes derekter jáne olardy qorǵaý týraly» Qazaqstan Respýblıkasynyń 2013 jylǵy 21 mamyrdaǵy Zańynyń 25-baby 2-tarmaǵynyń 1) tarmaqshasyn iske asyrý maqsatynda buıyramyn:
1. Qosa berilip otyrǵan júzege asyrylatyn mindetterdi oryndaý úshin qajetti jáne jetkilikti derbes derekterdiń tizbesi bekitilsin.
2. Qazaqstan Respýblıkasy Indýstrııa jáne jańa tehnologııalar mınıstrliginiń Ákimshilik-kadr jumysy departamenti zańnamamen belgilengen tártipte mynalardy:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Resýblıkasynyń Ádilet mınıstrliginde memlekettik tirkeýden ótkennen keıin kúntizbelik on kún ishinde onyń buqaralyq aqparat quraldaryna resmı jarııalaýǵa jiberilýin;
3) osy buıryqtyń Qazaqstan Respýblıkasy Indýstrııa jáne jańa tehnologııalar mınıstrliginiń resmı ınternet-resýrsynda jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Indýstrııa jáne jańa tehnologııalar mınıstrliginiń Ákimshilik-kadr jumysy departamentiniń dırektoryna júktelsin.
4. Osy buıryq 2013 jylǵy 25 qarashadan bastap qoldanysqa engiziledi.
Qazaqstan Respýblıkasy Premer-Mınıstriniń orynbasary –
Qazaqstan Respýblıkasynyń Indýstrııa jáne jańa
tehnologııalar mınıstri Á.ISEKEShEV.
Qazaqstan Respýblıkasy Premer-Mınıstriniń orynbasary –
Qazaqstan Respýblıkasy Indýstrııa jáne jańa tehnologııalar mınıstriniń
2013 jylǵy 19 qyrkúıektegi №281 buıryǵymen bekitilgen
Júzege asyrylatyn mindetterdi oryndaý úshin qajetti jáne jetkilikti derbes derekterdiń tizbesi
Jalpy qoljetimdi derbes derekter:
1. Tegi, aty, ákesiniń aty (bolǵan jaǵdaıda);
2. Tegin, atyn, ákesiniń atyn aýystyrý týraly málimet;
3. Qoly;
4. Týǵan jyly, aıy, kúni;
5. Týǵan jeri;
6. Jeke kýálik qujatynyń derekteri: qujattyń ataýy, nómiri, bergen kúni, qoldanylý merzimi, qujatty bergen organ;
7. Azamattyǵy (aldyńǵy azamattyǵy), Qazaqstan Respýblıkasynyń azamattyǵyn alǵan kúni, Qazaqstan Respýblıkasy azamattyǵynyń kúshi joıylǵan kúni;
8. Turǵylyqty mekenjaıy, turǵylyqty jeri boıynsha nemese kelgen orny boıynsha tirkeý kúni;
9. Elektrondyq pochtasynyń mekenjaıy;
10. Baılanys telefondarynyń nómirleri;
11. Jeke sáıkestendirý nómiri;
12. Zańdy mekenjaıy, zańdy mekenjaıdy tirkeý kúni (tirkeýden shyǵarý), qyzmet túri;
13. Eńbek kitapshasynyń nómiri, serııasy jáne berilgen kúni jáne ondaǵy jazbalar týraly málimetter;
14. Qyzmettik kelisimsharttyń, azamattyq-kuqyqtyq sharttyń mazmuny men derektemeleri;
15. Múlik týraly málimet (múliktik jaǵdaı): avtokólik (markasy, tirkeý orny), ornalastyrý mekenjaıy, jyljymaıtyn múlik obektilerin alý tásili men negizi;
16. Memlekettik jáne vedomstvolyq nagradalar, qurmetti jáne arnaıy ataqtar, kótermeleýler (onyń ishinde nagradanyń, ataqtar nemese kótermeleýler ataýy nemese aty, marapattaý nemese kótermeleý týraly normatıvtik aktiniń kúni men túri) týraly málimetter;
17. Attestasııalaý boıynsha materıaldar;
18. Ishki qyzmettik tergeý boıynsha materıaldar;
19. Belgilengen nysandaǵy medısınalyq qorytyndy;
20. Ýaqytsha eńbekke jaramsyzdyǵy týraly málimet;
21. Áleýmettik jeńildik týraly jáne áleýmettik mártebesi týraly málimetter (serııasy, nómiri, berý kúni, jeńildikter men mártebeni usyný úshin negiz bolyp tabylatyn qujatty bergen organnyń ataýy).
22. Eńbek qyzmeti týraly málimet (laýazymdy tolyq kórsete otyryp, aǵymdaǵy ýaqytqa eńbek qyzmeti týraly, qurylymdyq bólimsheniń, uıymnyń jáne onyń ataýy týraly derekter, jalpy jáne úzdiksiz jumys ótili, mekenjaılar men telefondar, sondaı-aq basqa uıymdardaǵy buryn atqarǵan laýazymnyń tolyq ataýy men osy uıymdarda jumys ýaqytynyń derektemeleri);
23. Bilimi, biliktiligi týraly jáne arnaıy bilim nemese arnaıy daıyndyqtyń bar-joǵy týraly málimetter (bilim berý mekemesin aıaqtaý týraly dıplomnyń, kýáliktiń, attestattyń nemese basqa da qujattyń serııasy, nómiri, berý kúni, onyń ishinde bilim berý mekemesiniń ataýy men ornalasqan jeri, fakýltet nemese bólimshe, bilim berý mekemesin aıaqtaý boıynsha biliktiligi men mamandyǵy, ǵylymı dárejesi, ǵylymı ataǵy, shetel tilderin bilýi);
24. Biliktilikti arttyrý jáne qaıta daıarlaý týraly málimetter (biliktilikti arttyrý jáne qaıta daıarlaý týraly qujattyń serııasy, nómiri, bergen kúni, bilim berý mekemesiniń ataýy jáne ornalasqan jeri, bilim berý mekemesin aıaqtaý boıynsha biliktiligi men mamandyǵy);
25. Eńbekaqy týraly málimet (onyń ishinde jalaqy, ústemeaqy, salyqtar boıynsha derekter);
26. Áskerı mindetti adamdar men áskerı qyzmetke shaqyrýǵa jatatyn adamdardyń esepke alynýy týraly málimetter (áskerı bılettiń serııasy, nómiri, ony bergen organnyń ataýy, áskerı-esepke alý mamandyǵy, áskerı ataǵy, esepke qoıý/alý týraly derekter);
27. Otbasy jaǵdaıy týraly málimet (nekedegi jaǵdaıy, neke qııý týraly kýáliktiń derekteri, áıeliniń (kúıeýiniń) tegi, aty, ákesiniń aty, áıeliniń (kúıeýiniń) jeke kýálik qujatynyń derekteri, týystyq dárejesi, otbasynyń, birge turatyn basqa músheleriniń tegi, aty, ákesiniń aty jáne týǵan kúnderi, balanyń bar-joǵy jáne olardyń jasy);
28. Sottylyǵynyń bolýy (bolmaýy).
Buıryq Qazaqstan Respýblıkasynyń Ádilet mınıstrliginde 2013 jylǵy 12 qazanda Normatıvtik quqyqtyq kesimderdi memlekettik tirkeýdiń tizilimine № 8818 bolyp engizildi.
