*Bıyl elimiz ónerkásiptik maqsatqa bekireni aýlaýdy toqtatady. Onyń basty sebebi, Kaspıı teńizinde bekire tuqymdas balyqtardyń azaıyp ketýimen baılanysty bolyp tur. Bul sheshim Reseı, Ázerbaıjan, Iran, Qazaqstan men Túrkimenstan elderi arasynda júrgizilgen kelissózge sáıkes qabyldandy.
*Bıyl elimiz ónerkásiptik maqsatqa bekireni aýlaýdy toqtatady. Onyń basty sebebi, Kaspıı teńizinde bekire tuqymdas balyqtardyń azaıyp ketýimen baılanysty bolyp tur. Bul sheshim Reseı, Ázerbaıjan, Iran, Qazaqstan men Túrkimenstan elderi arasynda júrgizilgen kelissózge sáıkes qabyldandy.
* Almaty qalasynda fızıka jáne ınformatıka pánderinen X halyqaralyq Jáýtikov olımpıadasynyń kezekti synaǵy ótkizilýde. Bul joly saıysqa álemniń 17 elinen 57 komanda keldi. Qazylar quramynda 8 eldiń ǵalymdary bar.
* Ońtústik Qazaqstan oblysynda taýsaǵyzdan kaýchýk alyndy. Jergilikti ǵalym Arystanbek Eshibaev arnaıy tuqymbaqta ósirilgen kaýchýktyń ósip-jetilýin bes jyl boıy zerttep, osyndaı nátıjege qol jetkizdi. Jaǵymdy jańalyqqa Kanadanyń ǵalymdary oń baǵasyn berdi.
* Shyǵys Qazaqstan oblysyndaǵy Serebrıansk beıorganıkalyq ónimder zaýytynyń jumysy qaıta jandanatyn boldy. Ol úshin oblys bıýdjetinen jáne «Qazınjınırıng» kompanııasynan arnaıy qarjy bólinedi. Bul zaýyt buǵan deıin óndiriske qajetti zattardy óndirip kelgen.
* Aqmola oblysynda túrli deńgeıdegi ákimder halyq aldynda esep bere bastady. Turǵyndardan túsken saýaldardyń basym bóligi turǵyn úı men kommýnaldyq salaǵa qatysty boldy. Ol boıynsha jergilikti bılik ókilderi qozǵalǵan máseleniń kezeń-kezeńimen sheshim tabatynyna senim bildirdi.
* Aqtóbe oblysynda 57 jer telimi memleketke qaıtaryldy. Jalpy, kadastrlik quny 3,7 mlrd. teńge bolatyn jer telimderi biraz ýaqyt bos jatqan. Jergilikti sotta jer telimine qatysty taǵy 18 shaǵym qaralýda. Sonymen qatar, 47 jer ıesine eskertý qaǵazy berildi.
* Batys Qazaqstan oblysynda búgingi kúni 77120 ardager turady. Sonyń 319-y Uly Otan soǵysyna qatysqan. Endigi jerde jergilikti bılik jeńildikti paıdalanatyn maıdangerlermen birge áleýmettik kómekti qajet etetin basqa da azamattarǵa Oral qalasyndaǵy qoǵamdyq kólikterde tegin júrý máselesin qarastyratyn boldy.
* Jaqyn arada elimizdegi memlekettik joǵary oqý oryndarynda baqylaýshy keńes qurylady. Bul jańa qurylymǵa 50-den asa oqý ornyn kóshirý josparlanǵan. Qazir Bilim jáne ǵylym mınıstrligi onyń negizin qalaıtyn normatıvtik bazany daıyndaý ústinde. Osy is aıaqtalǵannan keıin rektor óz jumysy men josparyn jańadan qurylatyn keńes múshelerimen aqyldasyp, bekitetin bolady.
Egemen.kz habarlary boıynsha daıyndaldy.
