Bizdiń tennısshi Zarına Dıas Melbýrn qalasynda ótip jatqan Avstralııanyń ashyq chempıonatynda qatarynan tórtinshi jeńisine jetti. Bul týraly egemen. kz tilshisi habarlady.
Ol chehııalyq Katerjına Sınıakovadan eki sette 6:2 jáne 6:4 esebimen basym tústi. Buǵan deıin irikteý kezeńinde 20 jasar qazaq qyzy serbııalyq Aleksandra Krýnıch, rýmynııalyq Krıstına Andrea Mıtý men kanadalyq Stefanı Dıýbýamen kezdesip, olardyń bárin de eki sette jeńgen bolatyn. Endi ol rýmynııalyq Sorana Kırstıa men jańazelandııalyq Marıan Erakovıchtiń arasynda ótetin matchtyń jeńimpazymen kezdesedi.
Avstralııanyń ashyq chempıonaty – bul «Úlken dýlyǵa» týrnıriniń biri sanalatyn úlken jarys bolyp sanalady. Osy týrnırde Zarınamen birge bizdiń taǵy bir tennısshimiz Galına Voskoboeva ekinshi aınalymǵa joldama aldy. Ol rýmyn qyzy Irına Kamelııa Begýdi 7:5, 4:6 jáne 7:5 esebimen utyp, kelesi aınalymǵa shyqty. Endi ol ıspan tennısshisi Karlos Saýres Navarromen kezdesedi.
О́kinishke oraı, qazaqstandyq taǵy bir tennısshi Iýlııa Pýtınseva polıak Agneshký Radvanskýdan utylyp, jarystan shyǵyp qaldy.
Dastan Kenjalın.
Derekkóz: Qazaqstan Respýblıkasy Tennıs federasııasy.
