Ulybrıtanııadaǵy Stok-on-Trent qalasynda polısııa qyzmetkerleri oıynshyq kólikti mas kúıinde aıdaǵan turǵyndy bir jylǵa júrgizýshi kýáliginen aıyryp, oǵan 500 fýnt sterlıng kóleminde aıyppul salǵan. Bul týraly Rbc.ua habarlady.
43 jasar Rıo Bırdmor balasyna qurastyryp bergen oıynshyq avtokóligimen úıine qaıtyp bara jatyp polısııa nazaryna ilikken. Buǵan deıin ol jergilikti kafe-barda otyryp, ishimdik ishken kórinedi. Polısııa qyzmetkerleri Rıo Bırdmordy toqtatyp, arnaıy prıbormen tekserý júrgizgen kezde, onyń ishimdik ishkeni anyqtalǵan.
Tártip buzýshy ózine tym qatal jaza berildi dep esepteıdi. «Men qaıyrymdylyq kómek jasaý maqsatynda oıynshyq kólikke minip, qala kóshelerimen júrip óttim», – deıdi Rıo Bırdmor. Sol kúni ol onkologııalyq aýrýlarǵa arnap, qala turǵyndarynan 40 fýnt sterlıng jınap shyqqan. Adamdar onyń qurastyrǵan kóligimen sýretke túsip, qaıyrymdylyq qoryna aqsha bergen eken.
Aıdar О́risbaev.
Derekkóz: Rbc.ua
Foto: Rbc.ua
