Soltústik Qazaqstan oblysynyń Petropavl qalasyndaǵy prokýratýra qyzmetkerleri men sot oryndaýshylary jol saqshylarymen birlesip, moınynda bereshegi bar júrgizýshilerdi tártipke shaqyrýǵa kiristi. Bul týraly «Habar» telearnasy habarlady.
Qala kóshelerine shyqqan quqyq qorǵaý qyzmetkerleri kólikterdi jappaı toqtatyp, tekserý júrgizdi. Sharanyń alǵashqy saǵatynda qaryzdan jaltaryp júrgen 13 adam anyqtalyp, olarǵa eskertý jasaldy. Al tóleý merzimi uzartylǵan boryshkerlerdiń kóligi aıyppul turaǵyna qamalady. Quzyrly organ qyzmetkerleriniń aıtýynsha, bir ǵana Petropavl qalasynda 28 myń hattama ótelmegen. Ol boıynsha jol erejesin buzǵandar memleketke 100 mln. teńge qaryz kórinedi.
«Boryshkerlerdiń deni aıyppuldaryn óteýge asyqpaıdy nemese ol týraly múldem bilmeıdi. Máselen, jyldamdyqty asyryp, beıne baqylaýǵa túsip qalǵan júrgizýshilerdiń hattamalary meken-jaı boıynsha jetpeı jatady», - deıdi Petropavl qalalyq prokýrorynyń kómekshisi Ádilet Báshikov.
Baqytbek Keneshuly.
Derekkóz: «Habar» telearnasy
Foto: News. nur.kz.
