Qurmetti otandastar!
Búgin biz shyn máninde tarıhı oqıǵanyń kýási boldyq. Qazaqstan Respýblıkasynyń Prezıdenti Nursultan Ábishuly Nazarbaev «Qazaqstandyq jol-2050: bir maqsat, bir múdde, bir bolashaq» atty Qazaqstan halqyna Joldaýyn jarııa etti.
Qurmetti otandastar!
Búgin biz shyn máninde tarıhı oqıǵanyń kýási boldyq. Qazaqstan Respýblıkasynyń Prezıdenti Nursultan Ábishuly Nazarbaev «Qazaqstandyq jol-2050: bir maqsat, bir múdde, bir bolashaq» atty Qazaqstan halqyna Joldaýyn jarııa etti.
Joldaý «Qazaqstan-2050» Strategııasynda aıqyndalǵan erekshe aýqymdy mindetterdi iske asyrý joldaryn ashyp, damyta túsedi. Biz Joldaý taqyryby men «Qazaqstan-2050» Strategııasy: bir halyq – bir el – bir taǵdyr» atty Memleket basshysynyń Qazaqstan halqy Assambleıasynyń HH sessııasyndaǵy sóziniń saıası birizdiligin kóremiz.
Bul zańdylyq jáne Elbasy Qazaqstan Respýblıkasynyń Prezıdenti Nursultan Ábishuly Nazarbaevtyń turaqty jáne órkendegen Qazaqstandy qalyptastyrý, qýatty memleket, damyǵan ekonomıka jáne jalpyǵa ortaq eńbek múmkindikterin paıdalana otyryp, berekeli qoǵam qurý jolyndaǵy saıası baǵytynyń birizdiligimen negizdeledi.
Prezıdent Joldaýy Qazaqstan halqy úshin úlken mańyzǵa ıe boldy. Qazaq halqynyń myńdaǵan jylǵy tarıhı tájirıbesinen, Táýelsizdik jyldary júrip ótken qazaqstandyq joldan týyndaǵan «Máńgilik El» ulttyq ıdeıasy jarııa etildi.
Bir maqsat – bul «Máńgilik Eldi» nyǵaıtý, bizdiń Otanymyz – Qazaqstannyń Táýelsizdigin nyǵaıtý!
Bir múdde – bul bizdiń ortaq qundylyqtarymyz, erkin jáne órkendegen elde ómir súrýge degen talpynysymyz!
Bir bolashaq – bul Máńgilik Eldiń, bizdiń ortaq úıimiz – Qazaqstan Respýblıkasynyń órkendeýi!
Qazaqstan halqy Assambleıasy jáne birtutas eldiń azamattary «Máńgilik El» patrıottyq aktisin ázirleý týraly tapsyrmany erekshe shabytpen qabyldady.
«Máńgilik Eldiń» jeti qaǵıdasy bizdiń damýymyzdyń arqaýlyq qundylyqtaryn, Qazaqstan halqynyń ortaq múddesi men tarıhı taǵdyryn aıshyqtaıdy.
Biz bunyń Elbasy anyqtaǵan mindetterdi oryndaýdaǵy kúshti jumyldyrýshy bastaýǵa aınalatynyna senimdimiz.
Joldaýda Prezıdent Qazaqstannyń álemniń damyǵan 30 eliniń qataryna ený jospary jóninde aıtty.
Osy maqsatta Memleket basshysy IJО́-ni 4,5 esege, jan basyna shaqqanda 13 myń AQSh dollarynan 60 myńǵa deıin kóbeıtýdi tapsyrdy. Sol kezde Qazaqstan orta taptyń úlesi kóp elge aınalady.
Ol úshin Qazaqstan Ekonomıkalyq yntymaqtastyq pen damý ujymynyń standarttaryn engizýdi qolǵa alyp, ishki jalpy ónimniń jyl saıynǵy ósýin 4%-dan kem emes paıyzǵa, ınvestısııalar kólemin jalpy IJО́ kólemine shaqqanda 18%-dan 30 %-ǵa deıin ósirýdi qamtamasyz etý kerek. 2050 jyly shıkizattyq emes eksport Qazaqstan eksportynyń jalpy qurylymynda 70%-ǵa jetýi kerek.
Assambleıa aýyl sharýashylyǵy, geobarlaý, munaı óńdeý salalaryndaǵy ınnovasııalyq bastamalardy erekshe atap ótedi.
Assambleıa ǵylym baǵytyn qarjylandyrýdy 3%-dan kem emes deńgeıge ósirý, mádenı saıasatty damytý máseleleriniń kóterilgenin qoldaıdy.
Basqa elderde ekonomıkalyq daǵdarystyń saldarynan áleýmettik kórsetkishterdiń tómendep bara jatqan kezeńinde Qazaqstanda azamattyq qyzmetkerlerdiń eńbekaqysyn kóterý halyqtyń áleýmettik jaǵdaıyn jaqsartýdyń jańa kezeńi bolyp otyr.
Biz bul mindetterdiń naqty iske asyrylatynyna senemiz.
Qazaqstan halqy Assambleıasy Elbasynyń budan buryn bergen barlyq tapsyrmalarynyń Qazaqstan halqy tarapynan tolyqqandy oryndalǵanyn aıta otyryp, osynyń barlyǵy elimizdiń jarasymdy birligi, Nursultan Nazarbaevtyń teńdesi joq qoǵamdyq kelisim modeli arqasynda jetken jetistik dep baǵalaıdy.
Prezıdenttiń búgingi qoıyp otyrǵan mindetteri elimizde júrgizilip jatqan ındýstrııalyq-ınnovasııalyq damý, áleýmettik reformalar, bilim men mádenıetti qoldaý jumystarynyń tıimdiligin aıqyndaıdy.
Qazaqstan halqy Assambleıasy elimizdiń ár azamatyna jáne barshamyzǵa arnalǵan Qazaqstan Respýblıkasynyń Prezıdenti Nursultan Nazarbaevtyń Joldaýyn tolyǵymen qoldaıdy.
Búgingi Joldaýdyń mindetterin iske asyrý elimizdiń damýyndaǵy bıik jeńisterge jetkizetinine biz senimdimiz.
«Qazaqstan-2050» Strategııasyn oryndaý Otanymyzdyń árbir patrıotynyń azamattyq paryzy men boryshy dep bilemiz.
Biz Qazaqstan halqyn Elbasy aldymyzǵa qoıǵan uly mindetterdi iske asyrý, qasıetti qazaq jerinde parasatty qoǵam qurý maqsattary aınalasynda uıysýǵa, judyryqtaı jumylýǵa shaqyramyz!
Qazaqstan halqy Assambleıasy.
