Qarapaıym turǵyndar úshin qoljetimdi jáne kásibı turǵydan úzdik, tehnıkalyq jaǵynan deńgeıi joǵary jedel medısınalyq járdem qyzmetterin usyný jumysy oblysta jaqsy jolǵa qoıylǵan. О́tken jyly oblysta bul qyzmet túriniń 5 bólimshesi ashyldy. Atap aıtsaq, olar – Taraz qalasynyń «Báıterek» shaǵyn aýdanynda jáne Moıynqum, Baızaq, Jambyl jáne Qordaı aýdandarynda iske kiristi. Medısınalyq qyzmettiń bul túrine halyqtyń da senimi nyǵaıyp, turǵyndardyń aryz-shaǵymdary da azaıa túsken.
Qarapaıym turǵyndar úshin qoljetimdi jáne kásibı turǵydan úzdik, tehnıkalyq jaǵynan deńgeıi joǵary jedel medısınalyq járdem qyzmetterin usyný jumysy oblysta jaqsy jolǵa qoıylǵan. О́tken jyly oblysta bul qyzmet túriniń 5 bólimshesi ashyldy. Atap aıtsaq, olar – Taraz qalasynyń «Báıterek» shaǵyn aýdanynda jáne Moıynqum, Baızaq, Jambyl jáne Qordaı aýdandarynda iske kiristi. Medısınalyq qyzmettiń bul túrine halyqtyń da senimi nyǵaıyp, turǵyndardyń aryz-shaǵymdary da azaıa túsken.
Jaqynda qalalyq jedel jáne shuǵyl medısınalyq kómek beketine jańa 6 reanımobıl men 2 jelilik kólik berildi. Al aýdandarǵa osyndaı 2 jedel járdem jóneltildi. Oblys boıynsha jalpy 93 sanıtarlyq kólik bar. Olardyń barlyǵy alǵashqy kómek kórsetýge qajetti medısınalyq qurylǵylarmen, radıodybystarmen tolyq jabdyqtalǵan.
– Naýqastarǵa qaraı kez kelgen ýaqytta qustaı ushýǵa saqadaı-saı turatyn kólikterdiń jóni bólek. Al jańa kólik halyqqa medısınalyq qyzmet kórsetý sapasynyń jaqsarýyna qashanda oń yqpal etedi. Biz baǵdarlama boıynsha jıyrmadan astam reanımobıl alýǵa tıispiz. Sondyqtan, endi 14 jedel járdem kóligin kútip otyrmyz, – deıdi qalalyq jedel járdem qyzmeti beketiniń bas dárigeri Venera Balqybekova.
Medısınalyq kómektiń joǵary standarttaryna sáıkes jáne turǵyndardyń suranysyn qamtamasyz etetin, aýrýhanaǵa deıingi kómek kórsetýdiń tıimdi júıesin qurýdy maqsat tutqan oblystyq densaýlyq saqtaý basqarmasy «Salamatty Qazaqstan» baǵdarlamasy aıasynda medısına mekemelerin qajetti qural-jabdyqtarmen, sondaı-aq, kóliktermen qamtamasyz etýdi aldaǵy ýaqyttarda da osylaı jaǵymdy jańalyqtarmen jalǵastyra beretin bolady.
Kósemáli SÁTTIBAIULY,
«Egemen Qazaqstan».
TARAZ.
