Keshe Ekonomıkalyq jáne sybaılas jemqorlyqqa qarsy kúres agenttiginde ótken jyldyń jumysyn qorytyndylaǵan alqa otyrysy boldy. Onda agenttik tóraǵasy Rashıd Túsipbekov baıandama jasady.
Keshe Ekonomıkalyq jáne sybaılas jemqorlyqqa qarsy kúres agenttiginde ótken jyldyń jumysyn qorytyndylaǵan alqa otyrysy boldy. Onda agenttik tóraǵasy Rashıd Túsipbekov baıandama jasady.
Agenttiktiń kadrlyq áleýeti jaqsartylyp, qurylymdyq ózgerister men ońtaılandyrý júrgizilgen. Elimizde bolyp jatqan qylmystar týraly shynaıy jáne naqty málimetterdi jyıýǵa, sondaı-aq, olardy jasyrý faktilerin joıýǵa múmkindik beretin eseptik-tirkeý tártibi júıege keltirilgen. Sonyń bir kórinisi retinde, máselen, qylmystyq ister boıynsha sotqa deıingi óndiris jetildirilip, «kezekshi ofıser» laýazymy, «polıseılik tergeý» elementteri engizildi.
Ár aımaq boıynsha sybaılas jemqorlyq táýekelderiniń tizbesi jasaldy, onda qurylysy memlekettik qarjyny tartýmen júzege asyrylyp jatqan barlyq nysandar týraly naqtylanǵan aqparat bar. Osylaısha, aldyńǵy qatarly sheteldik tájirıbeniń negizinde agenttikte ahýaldyq ortalyq quryldy. Osy jáne basqa da qabyldanǵan sharalar qarjy polısııasynyń kóptegen baǵyttar boıynsha qyzmetiniń tıimdiligin arttyrýǵa sebep boldy, muny statıstıkalyq málimetter dáleldep turǵan kórinedi.
Sonymen, Qarjy polısııasy anyqtaǵan 10 myń qylmystyń tórtten bir bóligi aýyr jáne asa aýyr sanatyna jatady. Sybaılas jemqorlyq qylmystyq jaýapkershilikke tartylǵan tulǵalar sany 30 paıyzǵa kóbeıdi, olardyń 200-ge jýyǵy ártúrli deńgeıdegi basshylar. Al 2012 jylmen salystyrǵanda memlekettik baǵdarlamalardy iske asyrý salasynda 3 ese kóp qylmys áshkerelenip, memlekettik satyp alýlar salasynda qylmystardy anyqtaý 3 esege artqan. Sóıtip, júıeli sybaılas jemqorlyqtyń 108 faktisi anyqtalypty.
Agenttik tóraǵasy Rashıd Túsipbekov «kóleńkeli ekonomıka salasynda 6 myńǵa jýyq qylmystar tirkeldi» – dep atap ótti. Munaı men munaı ónimderiniń zańsyz aınalymy salasynda anyqtalǵan qylmystardyń sany 5 esege artqan. Kóleńkeli ekonomıka sýbektilerine qarsy júıeli sharalardy qabyldaý shaǵyn jáne orta bıznes sýbektilerinen bıýdjetke salyqtardyń túsimin 15 paıyzǵa ósýin qamtamasyz etýge múmkindik berdi. Shaǵyn jáne orta bızneske qolsuǵýshylyqqa jol bermeý boıynsha júıeli jumystyń nátıjesinde qarjy polısııasynyń bastamasymen júrgiziletin kásipkerlerdi tekserýlerdiń sany sońǵy 2 jylda 5 esege qysqardy.
Rashıd Túsipbekov óz sózinde: «Ahýaldyq ortalyq taldaýshylarynyń jumysy reıdtik tekserister men adal kásipkerlerdiń jumysyna qol suǵý kemshiligin joıady» – dedi. О́tken jyly Ahýaldyq ortalyq málimetteri negizinde 110 mlrd. teńgeden asa zııan shektiretin 500 qylmystyq is qozǵaldy, 3,5 mlrd. teńgege jýyq bıýdjet qarajatyn tıimsiz paıdalanýdyń joly kesildi. Sybaılas jemqorlyqtyń aldyn alý sharasy retinde memlekettik organdarǵa jáne tártiptik keńesterge 470 usynys jiberildi. Usynystardy qaraý nátıjesinde jaǵymsyz sybaılas jemqorlyq áreketter jasaǵany úshin 349 laýazymdy tulǵalar tártiptik jaýapkershilikke tartylyp, onyń ishinde 147-si jumystan shyǵaryldy.
Rashıd Túsipbekov kásipkerlerdiń zańdy múddelerin qorǵaý týraly máselesine erekshe toqtaldy. «Jyl boıy biz shaǵyn jáne orta bıznes jumysyna aralaspaý uranymen jumys istedik. Osyǵan oraı, úlken jumys atqaryldy. Atap aıtqanda, domalaq aryzdar boıynsha tekserý faktileri joıyldy. Qarjy polısııasy qyzmetkerlerine azamattyq-quqyqtyq qatynastarǵa aralasýdy boldyrmaýǵa jáne qylmystyq jaýapkershilikke tartylý úshin keltirilgen zalaly tómengi kórsetkishke jetpeıtin jalpy qylmystar boıynsha tekserýlerdi ótkizbeý tapsyryldy. Qoldanylǵan sharalar qarjy polısııasynyń bastamasymen ýákiletti organdarynyń kásipkerlerdi tekserý sanynyń 5 esege azaıýyna múmkindik berdi», – dedi ol. Osylaısha, Qarjy polısııasynyń qarqyndy qyzmeti jalǵasyn taba bermek.
Aleksandr TASBOLATOV,
«Egemen Qazaqstan».
