Tarıh • 17 Tamyz, 2021

Ejelgi dáýir elesi

820 ret

kórsetildi

1 mın

oqý úshin

Tarıhyn ańyzǵa súıegen alashtyń qasqyr minezine qarap boıynan bórilik sıpatty baıqaısyz. Tipti onysyn tasqa qalap, aǵashpen oıyp ta baıandaıdy. Bórili baıraq qolǵa alyp shapqan babamyzdyń erligi óz aldyna, topyraǵyn qazsań qazba baılyǵynan da kókbórilik rýh ańqyp turady. Tasqa qashap, aǵashty jonyp salynǵan sýretke qarap, ejelgi dáýirdiń kelbetin kóremiz. Bul – bizdiń tarıhtyń shejiresi.

Muhtar KÚMISBEK

1980 jyly Qazaq KSR Ǵylym akademııasy Tarıh, arheologııa jáne etnografııa ınstıtýtynyń Ońtústik Qazaqstan keshendi arheologııalyq ekspedısııasy ataqty arheolog K.Baıpaqovtyń jetekshiligimen Quıryq tóbe qalashy-
ǵyndaǵy (Otyrardan batysqa qaraı
6 km jerde ornalasqan) qazba jumystary kezinde betinde órnekter beınelengen aǵash taqtaılar anyqtalǵan. Otyrar alqabynda qazylǵan Quıryq tóbe saraıy Tarband-Otyrar ıeliginde otyrǵan túrki bıleýshileriniń ordasy bolyp tabylady.

Quıryq tóbe qalashyǵy aýmaǵynda tórt záýlim ǵıbadathana men turǵyn jaı oryndary ashylǵan. Saraıdaǵy qazba jumystary barysynda ortalyq saltanat bólmesinen tabylǵan aǵash taqtaılarda dinı jáne zaıyrly ómir sahnalarynyń beıneleri oıylyp salynǵan.

IH-HI ǵǵ. Farab óńiriniń astanasy bolǵan Quıryq tóbe qalasynda júrgi-
zilgen arheologııalyq qazba jumystarynyń nátıjesinde saraı kesheniniń orny ashylǵan. Tutas kompozısııa beınelengen Saltanat bólmesiniń qabyrǵasyn kórinispen bezendirilýi erekshe. Ǵalymdardyń pikirinshe, taqtaıshalardaǵy beıneler túrki taıpalarynyń belgili aqsúıek ókilderi bolǵan.