QYZYLAǴAShTAǴY QONYS TOIY

Keshe 45 otbasy jańa úılerdiń kiltin aldy Aǵymdaǵy jylǵy 12 naýryz kúngi tasqynnan soń bútin bir aýyldy sý shaıyp, adam shyǵyny da oryn alǵany belgili. Memleket basshysy zardapty joıý maqsa­tyn­daǵy barlyq sharany jedel qolǵa alýdy tapsyrdy. Qashanda keń qoltyq halqymyz budan shet qalmady. Osylaısha Qyzylaǵashta qaınaǵan eńbek bastalyp, qu­ry­lys­shylar qurylysty qysqa mer­zim­de aıaqtaýǵa kúsh jumyldyrsa, ózgeler de azyq-túlik, kıim-keshek, aqshalaı demeýshilik tanytqanyn atap aıtqan artyq emes. Sodan beri kún saıyn oblys ákimi men orynbasarlary, qurylys uıymdarynyń basshy­lary qatys­ty­rylǵan jıynda atqarylǵan jumys pen onyń sapasy qaralyp, ár saǵatty tıimdi paıdalaný barysy jiti baqylandy. Qazaqstan halqynyń birligi kúni – 1 mamyr merekesi qar­sa­ńynda Qyzylaǵashtaǵy shatyrly qala­shyqqa jınalǵan turǵyn­dar­dyń júzderi jarqyn, kóńil-kúıleri kóterińki. “Almaty qala qurylysy”, “Aýyl qury­lysy” jáne basqa kompanııalar sáýlet­shi­leri salǵan úılerge qonys­ta­natyndar qýanyshy tipti erekshe. Kóshelerdegi anadaıdan kóz tartatyn jańa jobamen salynǵan baspanalardyń ishi-syrty uqypty qoldyń tabyn sezdiredi. Tasqyn bolǵan kezden beri halyqpen birge qaıǵyryp, damyldamaǵan oblys ákimi Serik Úmbetov, orynbas­ar­lary, komıssııa tóraǵasy Amandyq Batalov, Serik Muqanov, Ty­nysh­baı Dosymbekov, taǵy basqa qu­rylys uıymdary basshylarynyń iskerligi men uıymdastyrýshylyq qabi­letteri arqasynda 45 úı bitip, kilt tapsyrý saltanatymen jalǵas­ty. Oblys ákimi Serik Ábikenuly qyzylaǵashtyqtar men jı­nal­ǵan­dardy yntymaq pen birlik, qonys toıy qýanyshymen quttyqtady. Búgingi kúnge judyryqtaı jumylý men shydamdylyq bir-birimizdi túsiný nátıjesinde qol jetkizildi. Babalardyń “Jaqsylyq júrgen jerde tapshylyq bolmaıdy” degenine kóz jetti. Elbasy Nur­sultan Nazarbaev bas bolyp, barsha qazaqstandyqtar qıyn kezde qolushyn berdi. Ol úshin barshaǵa rahmet. Sizderdiń mal-múlik­te­ri­ńizdiń ornyn toltyrý máseleleri de qolǵa alynǵan. Bú­gingi kúnge salynýǵa tıisti 530 jańa úıdiń 344-iniń qabyrǵasy qalansa, 113 úıdiń sha­tyry jabylyp, ishki árleý jumystary qatar júrgizilýde. Tas­qynnan zar­dap shekken Qy­zyl­aǵash, Eginsý, Aqtoǵandaǵy qu­ry­lys­tarda 69 kompanııa quramynda 500-den astam tehnıka men 4000-nan astam adam eńbek etýde. Aýyl halqynyń tilek bildirgenderi de jumysqa tartyldy. Kórip otyr­syzdar, jańa úıler sap túzedi. Amandyq bolsa, maýsym aıynda barlyq jumystyń tııanaǵyn keltirýdi jospar­laýdamyz. Osy­laısha aýyl jańa­ryp, jasarady. Qonys­ta­ryńyz qutty bolsyn, otba­sy­la­ryńyzǵa amandyq, baq-bereke, jaqsylyq tileımin, dedi. Budan soń oblystyq arda­ger­ler uıymynyń múshesi, oblystyń “Qurmetti azamaty” Bátıma Sa­qaýova sóz alyp, qıyndyqty bó­lis­kende ǵana jeńildeıtinin jetkizdi. Bir aıdan astam kezeńdegi qolǵa alǵan jumystarǵa jaqsy baǵasyn berdi. О́mir bolǵan soń keıde qýanysh pen qaıǵy qatar júredi. Shydamdy halyqpyz. Osyny­myz­dan aırylmaıyq. Sonda ǵana qıyn­dyqty jeńemiz. Aýyldyń kórikti bolatynyna esh kúmán joq. Osy jumystyń basyndaǵy azamat­tarǵa alǵys aıtamyn, dedi. Saltanatqa jınalǵandar ara­synda arnaıy alystan at arytyp kelgender de kóp boldy. Sý tasqyny bolǵan alǵashqy kúnnen halyqtyń jaǵdaıyn elimizdiń bas gazetiniń betinen túsirmegen “Egemen Qazaqstannyń” bir top jýrnalısi de qýanyshqa ortaq­tas­ty. Gazettiń Almaty qala­syn­daǵy fılıalynyń jetekshisi Qorǵanbek Amanjol, fılıal qyzmetkerleri Baqyt Balǵarına, Bersinbek Sársenov, Dýman Mu­hamet­janov jáne qýanyshty maqa­lanyń avtory Kúmisjan Baıjan qýa­nyshty sátti birge bólisti. Qor­ǵanbek Aman­jol qyzyl­aǵash­tyq­tarǵa qutty bolsyn aıtyp, gazet ujymy atynan ystyq lebizin jetkizip, “Sabat”, “Biráli – das­tan” jı­naq­taryn oqyrman­dar­ǵa syıǵa tartty. Mundaı apat elimizdi aınalyp ótsin, degen ti­legin qosty aǵa basylym jýr­nalısteri. Saltanatqa Almatydan arnaıy kelgen sazger Myńjasar Mań­ǵy­taev jańa úıde tek jaqsylyq bolyp, ishi shattyqqa tolsyn degen lebizin jetkizse, Qazaqstannyń halyq ártisi Sara Tynysh­ty­ǵu­lova, Gýlvıra Razıeva ánnen shashý shashty. “Muqaǵalı” jýr­na­lynyń bas redaktory Batyq Má­jıtuly da ótkenge salaýat aıtyp, búgingi qonys toıynyń jal­ǵasýyna tilegin qosty. Kópti kórgen qarııa, Uly Otan soǵysynyń ardageri Toqtarbaı Qanapııanov bata berdi. Sáni men saltanaty jarasqan alǵashqy úıdiń kiltin alǵan Baqytjan Meshenov tolǵanysyn bylaısha tarqatty: –  Qıyn kúnder artta qaldy. Jasalǵan jaqsylyqty umyt­paımyz. Qas-qaǵymda baspanasyz qa­lyp, jıǵan-tergenimizdi sý shaı­ǵanda janymyz kúızeldi. Elimnen, jurtymnan aınalaıyn. Mine, sol zardaptyń orny toldy. Qýanǵan men qoryqqan birdeı degen, jaı­naǵan úımen birge turmysqa qajetti jıhaz, tósek-oryn, gaz plıtasymen jabdyqtalǵan úıdiń kiltin aldym. Elbasyna, oblys ákimine otba­sym­nyń atynan alǵys aıtamyn. Za­ıy­bym Orazgúl men balala­rymnyń qýanyshyn kór­seńiz. Aýyldaǵy mektep, mádenıet úıi, ákimdik ǵımaraty da kúrdeli jóndeýden ótkizilýde. Endi birer aıda aýyl jaınap, barlyq otbasy qýana­tynyna kúmán joq, dedi. Kimmen sóılesseń de jańa úıdegi ózderine kórsetilgen qam­qorlyqqa rıza ekendigin jetkizedi. Oblys ákimi túp túzý kóshedegi paıdalanýǵa berilgen Shyńǵysbek Shómshekbaev, ustaz Jaqsylyq Sovetbekov, Ajar Qodasova, Kish­kentaı Orazaeva, taǵy bas­qa­lar­dyń shańyraǵyna bas suǵyp, úl­kender bata berip, jaıylǵan dastarqannan dám tatty. Aýyldyń shyǵysyndaǵy saıa­baq­qa arnalǵan alqapta jas qaıyń, terek, qaraǵash, taǵy basqa jas óskinder japyraq jaıyp, ta­bı­ǵat ásemdigin árleı túsken. Oblys ákimi saıabaqta tasqyn qur­ban­­da­ryna eskertkish orna­ty­la­tynyn da aıtty. Sáýletshi Qabı Baýlyqov jasaǵan eskertkish jo­basy ma­qulda­nyp, jumys bas­tal­ǵan. Eskertkishte taýdan qulaǵan alapat sý tasqynynyń qor­sha­ýyn­da qalǵan balasyn qalaıda aman alyp qalý úshin jantalasqan ananyń tir­shiliktegi máńgilik sımvoly retin­degi alyp aǵashtan taıanysh izdegen sáti beı­ne­len­bek­shi. Osylaısha keleshekte Almaty-О́skemen kúre­jolynyń boıyna ornalasatyn eskertkishtiń bıiktigi 7 metr, eni 14 metr bolady. Berik­tastaǵy taqtaǵa qurbandardyń esimderi qashalyp jazylmaqshy. Qyzylaǵashtaǵy qonys toıy osylaı bastalyp, maýsymnyń aıaǵyna deıin ózge otbasylaryn jańa úıge qonystandyrý úshin qu­rylysshylar jumyla eńbek etýde. Jınalǵandar Súıinbaı atyn­daǵy oblystyq fılarmonııa ujy­my­nyń konsertin tamashalap, kópten bergi jabyrqaǵan kóńil­derin án áýezimen sýardy. Kóp­shilik Qyzylaǵashtaǵy búgingi qýa­nyshty shaq uzaǵynan súıindirsin degen tilekpen tarqady. Kúmisjan BAIJAN, Almaty oblysy. Sýretterde: Qyzylaǵashtaǵy qonys toıynyń ótý saltanatynan kórinister; jańa úıler ásemdigimen kóz tartady. Sýretterdi túsirgen  Bersinbek SÁRSENOV.