Qalada masalardy joıý jumystaryn Nur-Sultan qalasynyń Qorshaǵan ortany qorǵaý jáne tabıǵatty paıdalaný basqarmasynyń «Astanalyq dezınfeksııa» JShS merdigerlik uıymy júrgizedi.
Qazirgi ýaqytta ashyq stasııalardaǵy dezınseksııalyq is-sharalar elordanyń ortalyǵynan bastalyp, qalanyń shetine deıin jalǵasady.
Qala mańyndaǵy qorǵanys tosqaýyldary elordanyń shet jaqtarynan masalar men shirkeılerdiń jappaı ushyp ketýine jol bermeý maqsatynda turaqty túrde júrgiziledi. Jumystar arnaıy dezınfeksııalyq mashınalar men termogeneratorlardyń kómegimen, qaýipsizdik sharalaryn saqtaı otyryp, adamdar men janýarlarǵa qaýip tóndirmeıtin hlorpırıfos jáne malatıon belsendi zatymen organofosfor qosylystary (OFQ) klasynyń ınsektısıdtik preparattaryn qoldana otyryp júrgiziledi.
Shybyn-shirkeıdi joıý jumystaryna 150 dezınfektor, 8 bıolog-entomolog, 24 termogenerator, 150 motorly-ransty búrikkishter, dezınfeksııalyq qondyrǵylary bar dezınfeksııalyq mashınalar men motoshassı jumyldyryldy. Besinshi týr aıasynda jalpy aýdany 667,92 ga bolatyn turaqty jáne ýaqytsha qalyptasqan taıaz sý aıdyndarynda aýqymdy jumystar júrgizilip jatyr.
