Qazaqstan Prezıdenti janyndaǵy Ortalyq kommýnıkasııalar qyzmeti uıymdastyrǵan brıfıngke Parlament Májilisiniń depýtaty, «Aq jol» demokratııalyq partııasy fraksııasynyń jetekshisi Azat Perýashev qatysyp, Elbasy Joldaýyna qatysty oıymen bólisip, usynystaryn jetkizdi.
Qazaqstan Prezıdenti janyndaǵy Ortalyq kommýnıkasııalar qyzmeti uıymdastyrǵan brıfıngke Parlament Májilisiniń depýtaty, «Aq jol» demokratııalyq partııasy fraksııasynyń jetekshisi Azat Perýashev qatysyp, Elbasy Joldaýyna qatysty oıymen bólisip, usynystaryn jetkizdi.
Májilis depýtaty Memleket basshysynyń bıylǵy Joldaýy «Máńgilik El» ulttyq ıdeıasymen astasyp jatqanyna toqtala kele, bul baǵdarlamalyq qujattyń qoǵam tarapynan qoldaýǵa ıe bolǵanyn atap ótti. «Bul oraıda, Juban Moldaǵalıevtiń «Men qazaqpyn, myń ólip, myń tirilgen» degen óleń joldary oıǵa oralady. Qazaq halqynyń tarıhy bizdiń memleketimiz ben qazaqstandyqtardyń ortaq tarıhyna aınalýy tıis. Bul ıdeıa basymyzdy biriktiretin ortaq taǵdyrymyz, sondaı-aq, bizdiń birligimizdiń bolashaqtaǵy kepili. Sol sebepti, «Máńgilik El» uǵymy men úshin ýaqyttyń kez kelgen qıyndyǵyna tótep beretin halyq», dedi A. Perýashev. Ol, sonymen qatar, búgingi tańda Qazaqstan ekonomıkasynyń álemdik ekonomıkaǵa ıntegrasııalanýy jańa sapalyq deńgeıge kóterilýi qajettigin, bul oraıda Memleket basshysynyń naqty tapsyrmalar júktegenin jetkizdi.
«Aq jol» partııasynyń jetekshisi Joldaýda aıtylǵan shaǵyn jáne orta bıznes máselesin de aınalyp ótpedi. «Memleket basshysy shaǵyn jáne orta bıznesti «ındýstrııalyq jáne áleýmettik jańarýdyń mańyzdy quraly» dep tegin aıtqan joq. Sebebi, shaǵyn jáne orta kásiporyndar ózderiniń «tabıǵaty» jaǵynan aǵymdaǵy kez kelgen qıyndyqqa jaýap qata alady. Dúnıejúzinde shaǵyn jáne orta bıznes ınnovasııany ártaraptandyrýdyń lokomotıvi sanalady. Ol ekonomıkanyń jańa sektorlaryn ashyp qana qoımaı, jańa ónimderdiń shyǵýyna jol ashady. Bul oraıda, Prezıdenttiń «bıznestiń damýyna kedergi keltiretin barlyq quqyqtyq normalardyń kúshin joıý» degen sózi jaı emes, basshylyqqa alatyn sóz. Osyǵan baılanysty «Aq jol» partııasynyń depýtattary zańdyq bastamalar quqyǵyn paıdalana otyryp, Úkimettiń qaraýyna ózderi ázirlegen «Shaǵyn jáne orta bıznesti memlekettik qoldaý týraly» zań jobasyn usyndy», dedi A.Perýashev. Osylaı degen ol bul zań jobasynda kásipkerlerge qoldaý kórsetetin ártúrli is-sharalar kórinis tapqanyn tilge tıek etti.
Brıfıng barysynda syn da aıtylmaı qalmady. A.Perýashev «Úkimet depýtattyq saýaldarǵa ústirt qaraıdy», deı kele, bul máselege nazar aýdarý qajettigin atap kórsetti.
Láıla EDILQYZY,
«Egemen Qazaqstan».
