Joldaýda aıtylǵan mindetterdi jergilikti jerlerde iske asyrý joldaryn naqtylaý maqsatynda Ońtústik Qazaqstan oblysy ákimdiginde jıyn ótti.
Joldaýda aıtylǵan mindetterdi jergilikti jerlerde iske asyrý joldaryn naqtylaý maqsatynda Ońtústik Qazaqstan oblysy ákimdiginde jıyn ótti.
Memleket basshysy Joldaýda shaǵyn jáne orta bıznes kólemin 2050 jylǵa qaraı elimizdiń ishki jalpy óniminiń 50 paıyzyn qamtamasyz etetin deńgeıge jetkizý qajet dedi. Oblysymyzdyń bul saladaǵy tabystary jyl sanap artýda. Bıyl oblys naryǵynda belsendi jumys isteıtin shaǵyn bıznes sýbektileriniń sany 125,8 myń birlikti qurady. Al, olar óndirgen ónim 534,1 mlrd. teńgeni qurap, jumyspen qamtylǵandar 279,6 myń adamǵa jetti.
«Bıznestiń jol kartasy-2020» baǵdarlamasy aıasynda kásipkerlikti qoldaý úshin qazynadan 6,9 mlrd. teńge qarastyryldy. Bul turǵyda oblysymyzdyń Elbasy tapsyrmasyn oryndaýda múmkindigi mol. Joldaýda aıtylǵan áleýmettik salaǵa qatysty mindetter óńirimizde josparǵa saı júzege asady. Osy jyly 107 bilim nysanynyń qurylysyna 32,4 mlrd. teńge qarjy bólindi. Jyl sońyna deıin 50 nysan el ıgiligine beriledi. Osylaısha, 28 apatty, 3 úsh aýysymdy mekteptiń máselesi sheshiledi.
Densaýlyq saqtaý salasynda jańa 42 nysan salynady. 2014 jyly oblys aýmaǵyndaǵy múgedekterge kórsetiletin áleýmettik qoldaýdy jaqsartý úshin 1,2 mlrd. teńge qarjy qarastyryldy. Sondaı-aq, Saryaǵash, Maqtaaral, Saıram, Túlkibas aýdandarynda múgedekterge áleýmettik qyzmet kórsetý ortalyqtary ashylady. Joldaýdaǵy Shymkenttiń iri qalalar aglomerasııasyna engizilip, zamanaýı ýrbanıstik ortalyqqa aınalýy ońtústikqazaqstandyqtarǵa zor mindet júkteıdi. Bul baǵytta naqty jumystar jasalýda, oblys ortalyǵyna 40 eldi meken qosylyp, halyq sany 145 myńǵa artyp otyr.
«Jańa Joldaý Qazaqstannyń jańa belesterdi baǵyndyrýyna, joǵary ekonomıkalyq kórsetkishterge qol jetkizip, qarqyndy damyǵan memleketke aınalýyna jol ashady. Jerlesterimiz ejelden eńbekqorlyǵymen, tatýlyǵymen, básekege qabilettiligimen tanymal. Bul júktelgen jańa mindetterdiń oryndalýyna úlken negiz bolady», dedi oblys ákimi A.Myrzahmetov. Halqy eńbekshil eldiń ekonomıkasy óristi, qoǵamy turaqty, turmysy túzý bolatyny belgili. Búgingi jahandaný dáýiri júrip, tehnıkalyq damý úderisteri qarqyn alǵan kezeńde aldymyzǵa strategııalyq maqsattar qoıyp, álemde ózindik orny, asqaq bedeli bar memleket qurý – basty mindet. Memleket basshysy jarııalaǵan saıası qujattyń máni de osynda.
Qazaqstandyqtar bir ıdeıaǵa toptasyp, ortaq maqsat pen múdde úshin, kemel keleshek úshin eńbek eteri sózsiz.
Oralhan DÁÝIT,
«Egemen Qazaqstan».
Ońtústik Qazaqstan oblysy.
