Mańǵystaý oblysynda turatyn sheberdiń qolynan shyqqan kıiz úı Japonııanyń Osako qalasyndaǵy halyqaralyq etnografııalyq murajaıda saqtaýly tur. Bul týraly «Habar» telearnasy habarlady.
Osydan 50 jyl buryn jasalǵan kıiz Japonııada turatyn azamattardyń qyzyǵýshylyǵyn týǵyzdy. Endi bul kıiz úı IýNESKO-nyń mádenı muralar tizimine halyqaralyq atalym boıynsha engiziletin boldy. «Bizdiń kıiz úıdiń IýNESKO-nyń mádenı muralar tizimine engizýge usynys jasalǵanyn bilip, qýandyq. Bul, árıne, murajaı qyzmetkerleriniń ıgi izdenisine berilgen baǵa der edim», - dedi oblystyq tarıhı-ólketaný murajaıynyń dırektory Tamara Jumalıeva.
Mańǵystaý túbeginde ótken ǵasyrlarda jasalǵan kıiz úıler áli kúnge saqtaýly tur. Sheberlerdiń qolynan shyqqan kıiz úıler jabdyqtalýymen erekshelenedi. Bastysy, qazaqtyń qolóneri urpaqtan-urpaqqa jalǵasyp keledi.
Ámirhan Almaǵanbetov.
Derekkóz: «Habar» telearnasy.
Foto: Mangystau-muzey.kz.
