Japonııadaǵy Hokkaıdo ýnıversıtetiniń bir top paleontology gadrozavrdyń (úırektumsyqty dınozavr) qańqasyn tapty. Bul týraly ITAR-TASS habarlady.
Ǵalymdar gadrozavrdyń qańqasyn Hokkaıdonyń ońtústik bóligindegi Mýkava qalasy mańynan tapqan. Alǵash ret dınozavrdyń qańqasy bul aımaqta 2003 jyly tabylǵan bolatyn.
Byltyr mamandar Mýkava mańyndaǵy taýda ekspedısııalyq zertteý júrgizip, nátıjesinde, janýardyń quıryǵyn, jambas súıegi men birneshe tis súıegin oljalady. «Bul jerden gadrozavrdyń qańqasy túgeldeı tabylýy ábden múmkin», – deıdi zetteý tobynyń jetekshisi, professor Iosısýgý Kobaıası.
Ázirge ǵalymdar janýar qańqasynyń 30 paıyzyn qurastyryp bitti. Onyń uzyndyǵy – 8 metr, al salmaǵy – 7 tonnadan asatyn kórinedi. Bul - osyǵan deıin tabylǵan gadrozavrlardyń eń irisi bolyp otyr.
Gadrozavrlar Jer betinde 85 mln. jyl buryn ómir súrgen. Onyń úırektiń tumsyǵyna uqsaıtyn aýzy bolǵan. Ǵalymdardyń aıtýynsha, ol saǵatyna 50 shaqyrym jyldamdyqpen júgirgen eken.
Aıdar О́risbaev.
Derekkóz: Itar-tass.com
Foto: Itar-tass.com
