Foto: Aleksandr Kýprıenko
«Bıyl 15 mektep paıdalanýǵa beriledi, bul – 40 myńnan astam jańa oqýshy orny. Salystyrar bolsaq, 2020 jyldan eki ese, 2019 jyldan tórt ese kóp. Qurylys kezinde mektepterdiń materıaldyq-tehnıkalyq jabdyqtalýyn, onyń ishinde ınklıýzııa kabınetterin eskeremiz. Sebebi, múmkindigi shekteýli jandardyń beıimdelýi men áleýmettenýi úshin barlyq jaǵdaı jasaý qajet», dedi elorda ákimi Altaı Kólginov Prezıdent Joldaýyn iske asyrý boıynsha qala aktıvimen onlaın-kezdesýde.
Ákimniń málimdeýinshe, pedagogtar men oqýshylarǵa qosymsha qoldaý sharalary kórsetiledi. 2024 jylǵa deıingi jalaqy jyl saıyn 25%-ǵa ósedi. Muǵalimderdiń kásibı damýy úshin jaǵdaı jasalady. Kadr tartý úshin jyl saıyn bilim granttary bólinedi jáne t.b.
Al áleýmettik az qamtylǵan otbasylardan shyqqan balalarǵa kómek kórsetý úshin jalpyǵa mindetti oqý aıasynda elorda ákimdigi bıyl 800 mln teńge bóledi.
«Mańyzdy baǵyttardyń biri balalar men jasóspirimder sportyn qoldaý bolyp sanalady. Qazir qalada 8 myńnan astam balany qamtıtyn 11 balalar men jasóspirimder sport mektebi jumys isteıdi. Qosymsha qarjylandyrý baǵyty esebinen balalardy qamtý úlesin 50%-dan astamǵa ulǵaıtýdy josparlap otyrmyz. Sondaı-aq aýla klýbtarynyń sanyn arttyryp jatyrmyz», dep atap ótti Altaı Kólginov.
