Oqıǵa • 04 Qyrkúıek, 2021

Elordada er adamnyń kóliginen qarý tabyldy

260 ret
kórsetildi
1 mın
oqý úshin

Nur-Sultanda kóliginen qarý men oq-dári tabylǵan er adam ustaldy, dep habarlaıdy Egemen.kz  qalalyq PD baspasóz qyzmetine silteme jasap.

Elordada er adamnyń kóliginen qarý tabyldy

Polısııa qyzmetkerleri «Quqyqtyq tártip» jedel aldyn alý sharasy barysynda saǵat 22:05-te Barshyn kóshesinde aldyn ala berilgen jedel aqparat boıynsha 32 jastaǵy er adam tizgindegen «TOYOTA» markaly avtokóligin toqtatty.

Ustalǵan azamattyń kólikke qatysty quqyq belgileýshi qujattary joq ekeni anyqtaldy. Sonymen qatar ol birneshe ret qylmystyq jaýapkershilikke tartylǵan.

Kólikti tekserý barysynda úsh as úı jáne ańshylyq pyshaq, 32 mm kalıbrli tegis uńǵyly qarý jáne onyń patrondary tárkilendi.

Atalǵan fakti boıynsha QR QK 287-baby («Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý») negizinde qylmystyq is qozǵaldy. Tergeý amaldary júrgizilýde.