Ýkraınanyń oppozısııa jetekshileri prezıdent Vıktor Iаnýkovıchtiń saıası áriptestik týraly usynysyn qabyldamaǵan soń qarsylyq tolqyny odan saıyn kóterilip, eldiń shyǵysy men ońtústigine de jetti. Bul týraly Azattyg.org habarlady.
Vıktor Iаnýkovıch oppozısııa jetekshilerine úkimet basqarýdy usyný arqyly óz jaqtastaryn azaıta tura, qarsylastaryn jaqyndata almaǵanǵa uqsaıdy.
Zaporoje men Dnepropetrovskide myńdaǵan demonstrant jergilikti ákimdikter mańyna mıtıng ótkizýge jınaldy. 27 qańtarda Ýkraınanyń 10 oblysy oppozısııanyń baqylaýyna ótti.
Batys aımaqtaǵy narazylyq bildirýshiler jergilikti ákimdik ǵımarattaryn áldeqashan basyp alǵan. Ivano-Frankovsk, Ternopol men Hmelnıskıı qalalarynda bılik demonstranttar qolyna ótip, jańa ákimshilikter Vıktor Iаnýkovıchtiń Aımaqtar partııasy men Kommýnıstik partııanyń sımvoldaryn paıdalanýǵa tyıym salatyn qaýly da qabyldap úlgergen.
Ýkraına basshysy 22 qańtar kúni bekitilgen keıbir zańdardy jumsartatynyn málimdegen edi. Alaıda, ol sózi demonstranttar men mılısııa qaqtyǵystarynyń aldyn ala almaǵan sııaqty. Eki aı boıy tolastamaı turǵan tolqý kezinde úsh adam óldi. Byltyrǵy qarasha aıynyń sońynda Iаnýkovıchtiń Eýropa Odaǵymen seriktestik qurý kelisimine qol qoımaı, Reseımen tyǵyz qarym-qatynas ornatý týraly sheshimi Ýkraınada jappaı narazylyq týǵyzǵan.
Demonstranttar jıyn ótkizý tártibin qataıtý týraly zańnyń ıa túzetilgenin, ıa kúshin joıylǵanyn kútýde. Oppozısııa odan bólek merziminen buryn prezıdent saılaýyn ótkizýdi, Iýlııa Tımoshenko bastaǵan saıası tutqyndardy bosatýdy talap etedi.
Bul aralyqta Vıktor Iаnýkovıchtiń birneshe joǵary laýazymdy sheneýnikterdi qyzmetinen bosatqany týraly habar tarady.
26 qańtarda Ýkraınanyń qazirgi qorǵanys mınıstri Pavel Lebedev áskerı kúshterdiń qaqtyǵystarǵa aralaspaıtynyn málimdedi.
«Armııa Ýkraınanyń konstıtýsııasy men zańdaryna qatań baǵynady», – dedi ol ITAR-TASS agenttigine.
Ýkraına pravoslavıelik shirkeýinińbasshysy patrıarh Fılaret prezıdent Vıktor Iаnýkovıchtiń qolynan memlekettik nagrada alýdan bas tartyp, «adam ólip jatqan kezde marapattalý etıkaǵa qaıshy», – dep málimdedi.
Human Rights Watch uıymy mılısııanyń qolynan zardap shekkender týraly málimetter taratty. Onyń aqpary boıynsha, ótken aptada júzdegen demonstrant pen jýrnalıst taıaqqa jyǵylǵan. Avtomaıdan belsendiler jelisiniń jetekshisi Dmıtrıı Býlatov sııaqty ondaǵan adam joǵalǵandar esebinde tur.
Aıdar О́risbaev.
Derekkóz: Azattyg.org
Foto: Hvylya.org
