Memleket basshysy Nursultan Nazarbaev Qorshaǵan orta jáne sý resýrstary mınıstri Nurlan Qapparovpen kezdesti, dep habarlady Prezıdenttiń baspasóz qyzmeti.
Memleket basshysy Nursultan Nazarbaev Qorshaǵan orta jáne sý resýrstary mınıstri Nurlan Qapparovpen kezdesti, dep habarlady Prezıdenttiń baspasóz qyzmeti.
Mınıstr Memleket basshysyna 2013 jyldaǵy jumys qorytyndylary men aldaǵy kezeńge arnalǵan josparlar týraly baıandady.
Nursultan Nazarbaev mınıstrliktiń jańa ókilettikterge ıe bolýy men oǵan sý resýrstary, ań aýlaý jáne orman sharýashylyǵy jónindegi, sondaı-aq, balyq sharýashylyǵy komıtetteriniń berilýiniń mańyzdylyǵyn atap ótti. Memleket basshysy bilikti kadrlardy, atap aıtqanda, sý resýrstaryn basqarý jáne transshekaralyq ózender máseleleri jónindegi halyqaralyq kelissózderdi júrgizý salasyndaǵy mamandardy daıarlaý jaıyna nazar aýdardy.
Buǵan qosa, Qazaqstan Prezıdenti halyqaralyq tájirıbeni eskere otyryp, elimizde «jasyl ekonomıkany» damytýǵa úılestirilgen jáne keshendi kózqaras qalyptastyrý qajettigine toqtaldy.
Kezdesý barysynda N.Qapparov vedomstvonyń «jasyl ekonomıka» salasyndaǵy qyzmeti jaıly, sondaı-aq, sý resýrstary men turmystyq qatty qaldyqtardy basqarý baǵdarlamalaryn ázirleý týraly habardar etti.
Kezdesý qorytyndysynda Memleket basshysy belgilengen baǵyttaǵy jumystardy jalǵastyrýdy, atap aıtqanda, atalǵan baǵdarlamalardy iske asyrý jónindegi is-sharalar josparyn daıyndaýdy bastaýdy tapsyrdy.
-----------------------------------------
Sýretti túsirgender
S.BONDARENKO, B.OTARBAEV.
