Keshe Qasym-Jomart Toqaevtyń tóraǵalyq etýimen Parlament Senaty Bıýrosynyń otyrysy boldy, dep habarlady osy palatanyń baspasóz qyzmeti.
Keshe Qasym-Jomart Toqaevtyń tóraǵalyq etýimen Parlament Senaty Bıýrosynyń otyrysy boldy, dep habarlady osy palatanyń baspasóz qyzmeti.
Bıýro Qazaqstan Prezıdentiniń «Qazaqstan joly – 2050: bir maqsat, bir múdde, bir bolashaq» Joldaýyn iske asyrý jónindegi Senattyń Is-sharalar josparyn bekitti. Josparda Memleket basshysynyń Joldaýyn zańnamalyq turǵyda qamtamasyz etý, sondaı-aq, osy qujattyń negizgi erejelerin túsindirý men nasıhattaý jónindegi sharalar qarastyrylǵan.
Atap aıtqanda, «jasyl ekonomıkany» damytý taqyryby jónindegi parlamenttik tyńdaý jáne EKSPO-2017 kórmesine ázirlik, mádenıetti damytý men ákimshilik zańnamany reformalaý, komıtetterdiń kóshpeli otyrystary men memlekettik organdardyń basshylarymen kezdesýler ótkizý josparlanǵan. Josparda, sondaı-aq Joldaýda mazmundalǵan syrtqy saıası mindetterdi sheshýge baǵyttalǵan sharalar da kózdelgen.
Osyǵan baılanysty Bıýro músheleri depýtattardyń respýblıkalyq jáne aımaqtyq buqaralyq aqparat quraldaryna maqalalary men suhbattaryn jarııalaýdy qarastyratyn Senattyń medıa-josparyn qarady.
Bıýroda Senattyń turaqty komıtetterine Májilis maquldaǵan zań jobalary bólinip berildi.
Bıýro músheleri kelesi kezekte Senattyń 30 qańtarda bolatyn otyrysynyń kún tártibin de qarady.
Bıýro otyrysynda «О́ńir» depýtattyq tobynyń qyzmeti de qaraldy. Depýtattyq top usynymdar ázirleý, zańnamaǵa monıtorıng engizý men ony jetildirtý, sondaı-aq, máslıhat depýtattarymen ózara is-qımyly arqyly aımaqtardy tıimdi damytýǵa járdemdesý mindetin alǵa qoıyp otyr. «О́ńir» toby shaǵyn jáne orta bıznesti damytýdy memlekettik qoldaý jónindegi dóńgelek ústel, ǵylymı negizdelgen ekonomıkany qalyptastyrýǵa arnalǵan jáne agroónerkásip keshenine ınnovasııalyq tehnologııalardy engizý máseleleri boıynsha otyrystar ótkizýdi josparlady.
