Qazaqstan Respýblıkasy Prezıdentiniń Jarlyǵy№725

Qazaqstan Respýblıkasy kólik júıesiniń ınfraqurylymyn damytýdyń jáne yqpaldastyrýdyń 2020 jylǵa deıingi memlekettik baǵdarlamasy jáne «Memlekettik baǵdarlamalar tizbesin bekitý týraly» Qazaqstan Respýblıkasy Prezıdentiniń 2010 jylǵy 19 naýryzdaǵy №957 Jarlyǵyna tolyqtyrý engizý týraly

Qazaqstan Respýblıkasy kólik júıesiniń ınfraqurylymyn damytýdyń jáne yqpaldastyrýdyń 2020 jylǵa deıingi memlekettik baǵdarlamasy jáne «Memlekettik baǵdarlamalar tizbesin bekitý týraly» Qazaqstan Respýblıkasy Prezıdentiniń 2010 jylǵy 19 naýryzdaǵy №957 Jarlyǵyna tolyqtyrý engizý týraly

Qazaqstannyń qazirgi zamanǵy kólik ınfraqurylymyn qalyptastyrý, sondaı-aq onyń álemdik kólik júıesine yqpaldasýyn qamtamasyz etý jáne tranzıttik áleýetin iske asyrý maqsatynda qaýly etemin:

1. Qazaqstan Respýblıkasy kólik júıesiniń ınfraqurylymyn damytýdyń jáne yqpaldastyrýdyń 2020 jylǵa deıingi memlekettik baǵdarlamasy (budan ári – Baǵdarlama) bekitilsin.

2. Qazaqstan Respýblıkasynyń Úkimeti:

1) bir aı merzimde Qazaqstan Respýblıkasy Prezıdentiniń Ákimshiligimen kelisim boıynsha Baǵdarlamany iske asyrý jónindegi is-sharalar josparyn ázirlesin jáne bekitsin;

2) «Qazaqstan Respýblıkasyndaǵy memlekettik josparlaý júıesiniń odan ári jumys isteýiniń keıbir máseleleri týraly» Qazaqstan Respýblıkasy Prezıdentiniń 2010 jylǵy 4 naýryzdaǵy №931 Jarlyǵymen aıqyndalatyn merzimde jáne tártippen Baǵdarlamanyń iske asyrylý monıtorınginiń nátıjelerin Qazaqstan Respýblıkasy Prezıdentiniń Ákimshiligine usynsyn.

3. Ortalyq jáne jergilikti atqarýshy organdar, sondaı-aq Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdar Baǵdarlamany iske asyrý jóninde sharalar qabyldasyn.

4. «Memlekettik baǵdarlamalar tizbesin bekitý týraly» Qazaqstan Respýblıkasy Prezıdentiniń 2010 jylǵy 19 naýryzdaǵy №957 Jarlyǵyna (Qazaqstan Respýblıkasynyń PÚAJ-y, 2010 j., № 25-26, 185-qujat) mynadaı tolyqtyrý engizilsin:

joǵaryda atalǵan Jarlyqpen bekitilgen Memlekettik baǵdarlamalar tizbesi mynadaı mazmundaǵy rettik nómiri 9-jolmen tolyqtyrylsyn:

«

».

5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

6. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti

N.NAZARBAEV.

Astana, Aqorda, 2014 jylǵy 13 qańtar. №725

-----------------------------------------------

Qazaqstan Respýblıkasy kólik júıesiniń ınfraqurylymyn damytýdyń jáne yqpaldastyrýdyń 2020 jylǵa deıingi memlekettik baǵdarlamasyna

TÚSINDIRME

Memleket basshysynyń «Qazaq­stan-2050» Strategııasy – qalyptas­qan­ memlekettiń jańa saıası baǵyty» atty Qazaqstan halqyna Joldaýyndaǵy min­­detterdiń biri – kólik júıesiniń ınfra­qu­rylymdyq ortalyqtaryn, ozyń­qy ınfraqurylymyn damytý baǵdarlamasyn jáne Jahandyq ınfra­qurylymdyq ın­te­grasııa baǵdarlamasyn ázirleý bolatyn.

Osyǵan baılanysty Qazaqstan Respýblıkasy Prezıdentiniń 2014 jylǵy 13 qańtardaǵy №725 Jarlyǵymen Qazaqstan Respýblıkasy kólik júıesiniń ınfraqurylymyn damytýdyń jáne yqpaldastyrýdyń 2020 jylǵa deıingi memlekettik baǵdarlamasy bekitildi.

Memlekettik baǵdarlama Dúnıejúzilik bank sarap­shy­­larynyń qoldaýymen ázirlendi. Memlekettik baǵ­dar­lamanyń strategııalyq maqsaty Qazaqstannyń zamanaýı kólik ınfraqurylymyn qalyptastyrý, sondaı-aq onyń álemdik kólik júıesine yqpaldasýyn qamtamasyz etip, tranzıttik áleýetin iske asyrý bolyp tabylady.

Baǵdarlamanyń negizgi mindetteri mynalar:

Qazaqstan aýmaǵynda el ishinde joǵary jáne tıimdi kólik baılanysyn, Qazaqstan Respýblıkasynyń aýmaǵy arqyly júk aǵyndaryn ulǵaıtýdy jáne jerústi, teńiz jáne áýe kóliginiń barlyq túrleriniń jumysyn úılestirýdi qamtamasyz etetin zamanaýı kólik-logıstıka júıesin qurý;

óńirlerde jergilikti kólik ınfra­qury­lymyn damytý;

Qazaqstannyń kólik ınfraqurylymy­nyń álemdik kólik júıesine yqpaldasýyn qamtamasyz etý.

Osy Baǵdarlamany iske asyrý 30 myń km avtomobıl joldaryn jáne 8,2 myń km temirjol jelilerin rekonstrýksııalaý men jóndeýge múmkindik beredi.

Jolaýshylarǵa sapaly qyzmet kórsetýdegi qajettilikti óteý úshin temirjol vokzaldary, avtovokzaldar jáne avtostansııalar belgilengen standarttarǵa sáıkestendiriledi. Turǵyndarynyń sany 100 adamnan asatyn barlyq eldi mekender turaqty avtobýs marshrýttarymen qamtylatyn bolady.

Barlyq negizgi áýejaılar halyq­aralyq IKAO talaptaryna sáıkes keltiriledi.

Teńiz porttarynyń qýaty 2020 jylǵa qaraı 20,5 mln. tonnaǵa jetip, 40%-ǵa ulǵaıady.

Atalǵan kórsetkishterge qol jetkizý júk aınalymyn 1,6 esege, jolaýshylar tasymaly aınalymyn 1,5 esege, al tranzıt júkteriniń kólemin 2 esege arttyrýǵa múmkindik beredi. Bul rette Qazaqstan LPI logıstıkalyq tıimdilik ındeksinde 86-orynnan 40-orynǵa kóteriletin bolady.

Qazaqstan Respýblıkasy Prezıdenti Ákimshiliginiń

Áleýmettik-ekonomıkalyq monıtorıng bólimi.