4 aqpan kúni Reseıdiń Sochı qalasyndaǵy olımpııalyq qalashyqta Qazaqstannyń týyn kóterý rásimi ótedi. Bul týraly egemen.kz tilshisi habarlady.
Oǵan Qazaqstannyń sport delegasııasy qatysady. Osydan keıin elimizdiń olımpııalyq aýyly men baspasóz ortalyǵy ashylady. Bul jerde Qazaqstannan Olımpııa oıyndaryn nasıhattaýǵa baratyn jýrnalıster Olımpıadanyń tynysymen tanysyp, sportshylarmen jáne jattyqtyrýshylarmen suhbattasyp, jer-júzine jarystar týraly habarlap otyrýǵa múmkindik alady. Sport jáne dene shynyqtyrý isteri agenttigi tóraǵasynyń orynbasary Elsııar Qanaǵatovtyń aıtýynsha, Olımpıadaǵa arnalǵan baspasóz ortalyqtary Astana men Almaty qalasynda da ashylady. Astanadaǵy ortalyq Shtattaǵy ulttyq komandalar jáne sport dıreksııasynda qurylsa, Almatydaǵy baspasóz ordasynyń qaı jerde bolatyny áli anyqtalýda. Osy jerde jýrnalıster tikeleı efırde jańalyqtarmen tanysa alady.
Dastan Kenjalın.
Derekkóz: Sport jáne dene shynyqtyrý isteri agenttigi.
