Aqtaýda «Jamal-aı» atty kásiporyn bar. О́zin-ózi jarnamalap, dańqy jer jaryp jatatyndar sanatynan emes, tomaǵa-tuıyq. Osynysyna qarap, kishigirim mekemelerdiń biri bolar dep oılaıtynbyz, sóıtsek, ózindik beder-beınesi bar, sharýasyn dóńgelentip otyrǵan bildeı aksıonerlik qoǵam eken.
«Shaǵyn jáne orta bıznesti damytý – XXI ǵasyrdaǵy Qazaqstandy ındýstrııalyq jáne áleýmettik jańǵyrtýdyń basty quraly. Ekonomıkamyzda shaǵyn jáne orta bıznestiń úlesi artqan saıyn Qazaqstannyń damýy da ornyqty bola túsedi».
N.NAZARBAEV.
(Qazaqstan halqyna Joldaýynan).
Aqtaýda «Jamal-aı» atty kásiporyn bar. О́zin-ózi jarnamalap, dańqy jer jaryp jatatyndar sanatynan emes, tomaǵa-tuıyq. Osynysyna qarap, kishigirim mekemelerdiń biri bolar dep oılaıtynbyz, sóıtsek, ózindik beder-beınesi bar, sharýasyn dóńgelentip otyrǵan bildeı aksıonerlik qoǵam eken.
Budan jıyrma bir jyl burynǵy jaǵdaı kópshiliktiń esinde bolar. Naryqtyq ekonomıkaǵa ótip, qymbatshylyq pen taýar jetispeýshiligi ókpeden qosarlana syqqan kez. Sapasyz kıimderdi tasyǵan saýdagerler eldi qamtyp turdy. Toqty-torymnyń quny bolmaı, shaǵyn qaptaǵy makaron ónimi ornyna eki-úsheýi qosaqtalyp tıele beretin. «Jamal-aı» óz irgetasyn osy jyldary qurypty. Ońaı bolmaǵany belgili, biraq eldi qajetti kıim-keshek, aıaq kıimmen qamtamasyz etemin degen qarlyǵash-nıet. Aradaǵy jıyrma bir jyl «Jamal-aıdyń» qalyptasýy men damýyna, ónim óndirý áleýetin de, tehnologııasyn da jetildirýge arnalypty.
О́nimdi eńbekke qol jetkizý úshin aldymen, tehnıkalyq sheberlikti jetildirý qajet ekendigin bilgen olar, 1994 jyly ıtalııalyq mamandarmen birlesip, áskerı qyzmetkerlerge arnalǵan qysqa jáne bıik qonyshty báteńkelerdi jasaý tehnologııasyn engizdi. Sodan beri elimizdiń Qarýly Kúshteri qurylymyn sapaly áskerı ónimdermen, ıaǵnı tabany quıý ádisimen bekitilgen bıik qonyshty báteńkelermen qamtamasyz etip keledi. Al arnaıy qorǵanys qasıeti bar aıaq kıimderi elimizdiń túkpir-túkpirindegi qurylys jáne munaı salalary qyzmetkerleriniń qalap alar dúnıesi. Áleýmettik sala qyzmetkerleri de ózderine qajetti arnaıy jumys kıimderin osy kásiporynnan tabady.
Shyǵarylyp otyrǵan ónimderdiń sapasyn anyqtaý maqsatynda Qazaqstan Respýblıkasynyń synaq zerthanalarynda synaqtar ótkiziledi, bizde kez kelgen ónimniń sáıkestik sertıfıkattary bar. Joǵary sapaly aıaq kıimdermen qamtamasyz etý úshin, tehnıkalyq baqylaý bólimi men bas tehnolog qoımaǵa kelip túsken shıkizattyń memlekettik standarttarǵa, tehnıkalyq sharttarǵa sáıkestigin baqylaıdy. Kásiporyndy shıkizatpen jabdyqtaý bólimi tabıǵı teri jáne jún, tutynýshylardyń suranysy boıynsha ártúrli qorǵanys qasıeti bar tózimdiligi joǵary matalar, basqa da qajetti shıkizatty satyp alady. Sapa menedjment júıesi ISO 9001, OHSAS 18001 ıntegraldy júıelerimen sertıfıkattalǵan jáne barlyq talaptaryna saı keledi, deıdi bizben áńgimelesken kásiporynnyń kommersııa bóliminiń basshysy F.Turasheva men ınjener sapa jáne standarttaý jónindegi ınjener J.Izbasarova.
О́ndiriste óte joǵary bilikti, kóp jyldyq jumys tájirıbesi bar mamandar qyzmet atqarady. Ásirese, aıaq kıim óndirisindegi tehnologııa, jobalaý jáne jasap shyǵarý kezindegi joǵary sapaly ónim alýda ınjenerlik quramnyń eńbegi eren.
Kásiporyn Italııanyń, Germanııanyń joǵary tehnologııalyq jabdyqtaryn paıdalanady. Aıaq kıim óndirisi salasy kóldeneń tuıyqtalǵan konveıerlermen qamtamasyz etilgen. Osy salada óndiristik qýattylyq jylyna 100 myń jup aıaq kıim óndiretin bolsa, ótken jyly 60 myń jup aıaq kıimdi satylymǵa shyǵarǵan. Jylyna 20 myń dana óndiristik qýattylyqty mejelegen tigin óndirisi de byltyr dál osyndaı satylymǵa qol jetkizgen. Z.Hasanova basshylyq etetin 160 adamdy qyzmetpen qamtyp otyrǵan kásiporynda jastardyń úlesi 45 paıyzdy quraıdy.
Elimizdiń damýyna óz úlesterin qosyp, typ-tynysh jumysyn júrgizip otyrǵan «Jamal-aıdyń» arqalaǵan júgi de, alǵan alǵysy da alyp eken. Qarlyǵashtyń qaýyrsyn qanaty qataıa túsken. Kásiporynnyń ishki álemine az-maz úńilgende osyny bildik.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
