Jańa jylda ata-anasynyń qamqorlyǵynsyz qalǵan 46 jasóspirim qýanyshqa bólendi. Oblys ortalyǵyndaǵy Jasóspirimder úıine kelgen oblys ákimi Arhımed Muhambetov jastardy merekemen quttyqtap, olarǵa jalpy somasy 10 mıllıon 690 myń teńge bolatyn sertıfıkattardy tabys etti. Jetim balalardy turǵyn úımen qamtamasyz etý maqsatynda atqarylyp jatqan sharýalarǵa toqtaldy. 2014-2016 jyldarǵa arnalǵan keshendi josparǵa sáıkes úsh jylda 339 bala baspanamen qamtylýy tıis ekenin jetkizdi.
Jańa jylda ata-anasynyń qamqorlyǵynsyz qalǵan 46 jasóspirim qýanyshqa bólendi. Oblys ortalyǵyndaǵy Jasóspirimder úıine kelgen oblys ákimi Arhımed Muhambetov jastardy merekemen quttyqtap, olarǵa jalpy somasy 10 mıllıon 690 myń teńge bolatyn sertıfıkattardy tabys etti. Jetim balalardy turǵyn úımen qamtamasyz etý maqsatynda atqarylyp jatqan sharýalarǵa toqtaldy. 2014-2016 jyldarǵa arnalǵan keshendi josparǵa sáıkes úsh jylda 339 bala baspanamen qamtylýy tıis ekenin jetkizdi.
– Elimizde ata-anasyz balalardyń alańsyz bilim alýy úshin jáne olardy turǵyn úımen qamtamasyz etý úshin júıeli jumys júrgizilip jatyr. Onyń ishinde «Turǵyn úı qurylys jınaq banki» AQ arqyly páter alýǵa qarjy jınaý jáne «Qoljetimdi baspana-2020» baǵdarlamasy boıynsha jas otbasylarǵa jaldamaly páter berý baǵyttary boıynsha jastar baspanaly bolady. Jyl saıyn baspana alýǵa nıettengen jastardyń esep shottary tolyqtyrylady. Keler jyly segiz jas eki bólmeli páterge ıe bolady. Osylaısha biz ata-anasyz jastardyń baspanaly bolýyna jaǵdaı jasaımyz, – dedi óńir basshysy.
Jasóspirimder úıiniń túlegi Dıana Ermýrakova qýanyshtan tolqyp janaryna jas aldy. Jastaıynan ata-anasynan aıyrylǵan Dıana ózinen keıingi alty baýyrymen birge balalar úıinde tárbıelengen. Baýyrlaryna qamqor bola júrip, joǵary oqý ornyn aıaqtady. Jumysqa turyp, eńbekaqysynan esepshotyna 1 mıllıon 600 myń teńge jınaqtady. Bul joly oblys ákimi Arhımed Muhambetov Dıananyń esepshotyna aýdarylatyn 500 myń teńgeniń sertıfıkatyn tabys etti. Dıananyń keler jyly eki bólmeli páter alýǵa múmkindigi bar.
– Bul jańalyqty baýyrlaryma aıtqanda, olardyń da qýanyshynda shek bolmady. Biz sekildi ata-anasyz ósken jandarǵa qoldaý kórsetip, qamqorlyq tanytyp júrgen sizge jáne qaıyrymdy jandardyń barlyǵyna alǵysymyz sheksiz, – dedi D.Ermýrakova.
Jasóspirimder úıiniń túlegi Mıra Turlybaeva da oblys basshysyna alǵysyn jetkizdi. Q.Jubanov atyndaǵy Aqtóbe óńirlik memlekettik ýnıversıtetiniń zań fakýltetin qyzyl dıplommen aıaqtaǵan Mıra qazir oblystyq sotta jastar tájirıbesi boıynsha jumys istep jatyr. Oblystyq sottyń ákimdigi onyń áleýmettik jaǵdaıyn eskerip, ýaqytsha tegin turatyn páter beripti. Qazir Mıra esepshotyna qarjy jınaý ústinde. Bul joly oblys ákimi M.Turlybaevaǵa 200 myń teńgeniń sertıfıkatyn tabystady.
Satybaldy SÁÝIRBAI,
«Egemen Qazaqstan».
Aqtóbe oblysy.
