Ýkraına premer-mınıstri Nıkolaı Azarov otstavkaǵa ketti. Onyń sózine qaraǵanda, premer mundaı sheshimdi qoǵamdyq-saıası mámile, janjaldy beıbit retteý, eń bastysy, Ýkraınanyń birligin saqtaý maqsatynda qabyldaǵan. Biraq, oppozısııa el prezıdenti Vıktor Iаnýkovıchtiń úkimet músheligine úmitker usyný týraly bastamasynan bas tartyp otyr.
Ýkraına premer-mınıstri Nıkolaı Azarov otstavkaǵa ketti. Onyń sózine qaraǵanda, premer mundaı sheshimdi qoǵamdyq-saıası mámile, janjaldy beıbit retteý, eń bastysy, Ýkraınanyń birligin saqtaý maqsatynda qabyldaǵan. Biraq, oppozısııa el prezıdenti Vıktor Iаnýkovıchtiń úkimet músheligine úmitker usyný týraly bastamasynan bas tartyp otyr.
AQSh Kongresi jabyq daýys berý nátıjesinde Sırııa oppozısııasyna jeńil atys qarýyn berýge ruqsat etý týraly sheshim qabyldady. Bul shara ústimizdegi jyldyń 30 qyrkúıeginde aıaqtalýy tıis. Bul týraly keshe belgisiz derek kózine silteme jasaı otyryp, «Reıter» agenttigi habarlady. Qarý Iordanııa arqyly berilip otyratyn kórinedi.
Mysyrda prezıdenttik saılaý parlamenttik saılaýdan buryn ótetin boldy. Bul týraly osy eldiń ýaqytsha prezıdenti Adlı Mansur málimdedi. Prezıdenttik saılaýdyń naqty kúni ázirshe belgisiz. Biraq oǵan jaqynda Egıpet armııasyndaǵy eń joǵary áskerı ataq – feldmarshal ataǵy berilgen as-Sısı qatysatyny málim bolyp otyr. Ol jeńiske jetedi deıtinder de kóp.
Kosovoda jergilikti serbterdiń «Serbııa, demokratııa, shyndyq» dep atalatyn azamattyq bastamashyldyǵynyń serkesi Olıver Ivanovıch qamaýǵa alyndy. Oǵan 1999-2000 jyldary albandarǵa qarsy áskerı qylmys jasady degen kúdik keltirilip otyr. O.Ivanovıch ótken jyldyń kúzinde Kosovska-Mıtrovısy qalasynyń meri laýazymyna talasyp, saılaýda ekinshi oryn alǵan bolatyn.
Ulybrıtanııa parlamenti koroleva otbasyna bıýdjetti tıimsiz josparlady degen syn taqty. Mundaı qorytyndyǵa, atap aıtqanda, memleket qarjysyn jumsaýdy baqylaý jónindegi parlamenttik komıtet kelgen kórinedi. Komıtet ókiliniń sózine qaraǵanda, koroleva otbasy qarjy daǵdarysyna qaramastan, únem degenniń ne ekenine mán bermeı keledi.
Egıpette polısııa generaly atyp óltirilgen. Osy eldiń ishki ister mınıstrligi bul aqparatty rastap otyr. Oqıǵa keshe oryn alǵan. Belgisiz er adam Egıpet ishki ister mınıstri Mohamed Ibragımniń kómekshisi qyzmetindegi general Mohamed Saıedke eki márte oq jumsaǵan. Ol alǵan jaraqatynan aýrýhanada kóz jumypty.
Ońtústik Koreıada sot Internette Soltústik Koreıany aspandata maqtaǵan jergilikti azamatty on aıǵa túrmege qamady. Aty aıtylmaıtyn ońtústikkoreıalyq 2009-2012 jyldar aralyǵynda óziniń blogynda jáne basqa da saıttarda KHDR-diń áskerı qýatyn madaqtap kelipti. Sóıtip, ol ulttyq qaýipsizdik týraly zań erejelerin buzǵan.
Indonezııa Reseıden 37 jańa BMP-3F jaıaý áskerlerdiń soǵys mashınasyn satyp aldy. Áskerı tehnıkany berý rásimi burnaǵy kúni Indonezııa áskerı-teńiz kúshteriniń Asembagýstegi ortalyq áskerı daıyndyq korpýsynda ótti. Indonezııanyń armııasynda BMP-3F keńestik shyǵarylymdaǵy kónergen PT-76 júzgish tankterin almastyrýy tıis.
Ulttyq hokkeı lıgasynyń vıse-komıssary Bıll Deılı lıganyń óziniń oıynshylaryn Olımpıada-2014-ke jibermeýi múmkin ekenin habarlady. Onyń sózine qaraǵanda, UHL mundaı qadamǵa eger Sochıde «qaýipti jaǵdaı» qalyptasatyn bolsa barady. UHL basshylarynyń biri biraq Reseı úkimeti men HOK sportshylardyń qaýipsizdigin qamtamasyz etý úshin barlyq qajetti jaǵdaıdy jasaıdy dep senedi.
Aqparat agenttikteri materıaldarynyń negizinde ázirlendi.
