О́ńirlik damý mınıstri Bolat Jámishev Aqtóbe qalasynda óńirlerde ındýstrııalyq aımaqtardy damytý máseleleri jóninde selektorlyq keńes ótkizdi.
О́ńirlik damý mınıstri Bolat Jámishev Aqtóbe qalasynda óńirlerde ındýstrııalyq aımaqtardy damytý máseleleri jóninde selektorlyq keńes ótkizdi.
Keńes jumysyna oblystar, Astana jáne Almaty qalalary ákimderiniń orynbasarlary, kásipkerlik jáne ónerkásip basqarmalary, qurylys basqarmalary, oblystardyń ındýstrııalyq-ınnovasııalyq damytý ónerkásipteriniń basqarma basshylary, oblystardyń áleýmettik-kásipkerlik korporasııalary basqarmalarynyń tóraǵalary jáne basqalar qatysty.
О́ńirlik damý mınıstri keńes jumysyn asha kele búgingi tańda shynaıy óndiristi memlekettik yntalandyrýdyń perspektıvalyq quraldarynyń biri ındýstrııalyq aımaqtardy (IA) qurý bolyp tabylatynyn atap ótti. «Jalpy, bizdiń elde ındýstrııalyq aımaqtardy shaǵyn jáne orta bıznesti damytýǵa járdemdesý qaǵıdasy jáne óńirlerde jumys oryndaryn qurýdy arttyrý boıynsha qurý qajet», dedi Bolat Jámishev.
Bolat Jámishev keńeske qatysýshylardyń erekshe nazaryn «Bıznestiń jol kartasy-2020» baǵdarlamasynyń 4 paketi sheńberinde 2013 jylǵy jeltoqsanda ındýstrııalyq aımaqtardyń jumys isteýi boıynsha biryńǵaı júıeli saıasat qurý bóligine engizilgen ózgertýler men tolyqtyrýlarǵa aýdardy. Sonymen, qandaı da bir ındýstrııalyq aımaq qurý óńirdiń óńirlik jalpy óniminiń, shaǵyn jáne orta bıznestiń qoldanystaǵy belsendi sýbektileriniń, qurylǵan turaqty jáne ýaqytsha jumys oryndary sanynyń, ónerkásip salasynyń fızıkalyq kóleminiń ındeksi (FKI) jáne t.b. ósýine yqpal etetin bolady. Indýstrııalyq aımaqtar aýmaǵynda uqsas nemese birdeı salalardaǵy kásiporyndardan ónerkásiptik klasterler quralýy múmkin.
Sonymen qatar, keńes barysynda ındýstrııalyq aımaqtardy basqarý resimderi, iske asyrýǵa arnalǵan jobalardy jáne qurylatyn kásiporyndardy ornalastyrý sharttaryn irikteý, elimizdiń aýmaǵynda Qazaqstan-Túrik ındýstrııalyq aımaqtaryn qurý jónindegi máseleler talqylandy.
«Egemen-aqparat».
