Kórkemsóz oqý sheberleriniń Oralhan Bókeı atyndaǵy HVI respýblıkalyq baıqaýyn ótkizýdiń EREJESI

1. Qazaqstan Respýblıkasy Mádenıet jáne aqparat mınıstrliginiń Til komıteti memlekettik tildiń qoldanylý aıasyn keńeıtý, til mádenıetin kóterý, kórkem ádebıetti nasıhattaýdy jandandyrý, halyq arasynan talapty, talantty jastardy izdep tabý maqsatynda Kórkemsóz oqý sheberleriniń Oralhan Bókeı atyndaǵy HVI respýblıkalyq baıqaýyn ótkizedi.

1. Qazaqstan Respýblıkasy Mádenıet jáne aqparat mınıstrliginiń Til komıteti memlekettik tildiń qoldanylý aıasyn keńeıtý, til mádenıetin kóterý, kórkem ádebıetti nasıhattaýdy jandandyrý, halyq arasynan talapty, talantty jastardy izdep tabý maqsatynda Kórkemsóz oqý sheberleriniń Oralhan Bókeı atyndaǵy HVI respýblıkalyq baıqaýyn ótkizedi.

2. Baıqaý 2 kezeńnen turady:

Oblystyq (qalalyq) irikteý baıqaýla­­­ry sáýir-tamyz aılarynda oblys ortalyq­tarynda jáne Astana, Almaty qalalarynda;

Respýblıkalyq baıqaý Qazaqstan Respýb­lıkasy halqynyń til festıvali aıasynda qyrkúıek aıynda ótedi.

3. Baıqaýǵa 16-20 jas aralyǵyndaǵy talapkerler qatysa alady.

4. Kásibı óner salasynyń mamandary, osy saladaǵy oqý oryndarynyń stýdentteri men oqytýshylary, sondaı-aq, mektep muǵalimderi baıqaýǵa jiberilmeıdi.

5. Baıqaý mynadaı tapsyrmalardan turady:

- prozalyq shyǵarmadan úzindi oqý;

- dramalyq shyǵarmadan úzindi oqý;

- mánerlep óleń oqý.

Sondaı-aq, baıqaýda Oralhan Bókeıdiń jáne basqa da qazaqtyń belgili aqyn-jazýshylarynyń kez kelgen kórkem jáne dramalyq shyǵarmalarynan, óleńderinen úzindi oqýǵa bolady.

6. Baıqaý sharttary:

oqylatyn mátin kólemi 2-3 mınýttan aspaýy kerek;

daıyn fonogrammalardy paıdalanýǵa tyıym salynady;

belgisiz avtorlardyń kórkemdigi tómen shyǵarmalarynan úzindi oqýǵa bolmaıdy;

talapker sarapqa usynýǵa tańdap alynǵan mátinderdi jatqa bilýleri qajet.

7. Respýblıkalyq baıqaýǵa oblystarda, Astana jáne Almaty qalalarynda ótken baıqaýlardyń jeńimpazdary (bir-birden) qatystyrylady. Olarǵa jergilikti til basqarmalary joldama beredi.

8. Respýblıkalyq baıqaýdyń sarapshyla­ry úmitkerler ónerin baǵalaý kezinde olar­dyń:

kórkem mátindi oqý sheberligine;

daýys mánerine jáne til tazalyǵyna;

kórkem mátindi tańdaý talǵamyna;

sahnada ózin-ózi ustaýyna;

sahnalyq kıim sánine basa nazar aýdarady.

9. Baıqaý jeńimpazdary Til komıtetiniń baǵaly syılyqtarymen jáne dıplomdarmen marapattalady.

Anyqtama úshin: 01000, Astana qalasy, «Mınıstrlikter úıi» ákimshilik ǵımaraty, 15 kireberis, Qazaqstan Respýblıkasy Mádenıet jáne aqparat mınıstrliginiń Til komıteti, Kórkemsóz oqý sheberleriniń Oralhan Bókeı atyndaǵy HVI respýblıkalyq baıqaýyna.

Baılanys telefony: 8 (7172) 74-05-01.

Eskertý: burynǵy respýblıkalyq baı­qaý­lardyń jeńimpazdary men qatysýshylary bıyl ótkiziletin baıqaýlarǵa jiberilmeıdi.