• 29 Qańtar, 2014

Jańaqorǵandaǵy seriktestik 343 myń teńgege zalal keltirdi

230 ret

kórsetildi

1 mın

oqý úshin

Egemen Qazaqstan

29-01-14-karier-1

Qyzylorda oblysy Jańaqorǵan aýdanynda «Nur-qurylys LTD» dep atalatyn seriktestik karerde zańsyz jumys jasaǵannan memleketke 343 420 teńgeniń zalalyn keltirdi. Bul týraly aýdan prokýrorynyń kómekshisi Rýslan Pirnazardyń aqparyna súıengen Egemen.kz tilshisi habarlady. «Aýdandyq prokýratýra qyzmetkerleri aýdandyq ishki ister bólimi jol polısııasy bólimshesi men memlekettik ekologııalyq ınspektorlarymen birlesip, jeke jáne zańdy tulǵalardyń jer qoınaýyn paıdalanýdaǵy ekologııalyq zańdylyqtardy saqtaýlary jaıyna reıdtik tekserýler júrgizdi. Onyń barysynda «Nur-qurylys LTD» jaýapkershiligi shekteýli seriktestiginiń Jańaqorǵan kenti Álshekeı kóshesiniń bas jaǵynda ornalasqan zańsyz karerden «Hitachi-330 Zaxis» markaly ekskovatory men «Howo» markaly eki kóligi arqyly qumdy malta tastardy tasymaldaýmen ruqsatsyz aınalysyp kelgenin anyqtady», - dedi prokýrordyń kómekshisi. «Atalmysh seriktestiktiń osy áreketi arqyly tabıǵatqa keltirgen 343 420 teńge zalaly memleket paıdasyna óndirildi», - delingen habarlamada. «Qorshaǵan ortany qorǵaý salasyndaǵy zańnamalarynyń dálme-dál ári birkelki qoldanylýyn qadaǵalaý baǵytynda Jańaqorǵan aýdandyq prokýratýrasy qyzmetkerleri 2013 jyly birqatar mindetterdi atqardy. О́tken jyldyń ishinde bul baǵytta 6 tekserý júrgizilip, 75 zań buzýshylyq anyqtaldy. Nátıjesinde bulardyń 56-sy joıylyp, engizilgen 8 usynystyń qaralý qorytyndysymen 47 tulǵanyń ákimshilik jaýapkershiligi sheshildi. Memleketke keltirilgen 353 806 teńge zalal óndirildi», - dedi sózdiń túıininde quqyq qorǵaý organynyń ókili. Qurysh Nurymbet. Derekkóz: Qyzylorda oblysy Jańaqorǵan aýdandyq prokýratýrasy.