Balasyna bereshegi 10 myń AEK-ten asyp ketken alıment tóleýshiler 7 jylǵa bas bostandyǵynan aıyrylady. Bul týraly Gazeta.kz habarlady.
Ádilet mınıstrligi Sot aktilerin oryndaý komıtetiniń bas sarapshysy Mádına Muqashevanyń atap ótkenindeı, «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» 2014 jylǵy 15 qańtaryndaǵy zańyna oraı, atqarýshylyq is júrgizý salasyn retteıtin zańnamany jetildirýge, sot oryndaýshylarynyń jumys tıimdiligin joǵarylatýda olardyń ókilettigin keńeıtýge, sybaılas jemqorlyq kórinisterine yqpal jasaıtyn normalardy alyp tastaý men zańdy kúshine engen sot aktileriniń meılinshe kóp oryndalýyna múmkindik jasaldy.
Jalpy, qujatqa engizilgen negizgi ózgeristerde mynadaı másele qamtylǵan. Qylmystyq kodekstiń 136-baby (alıment tóleýde mindetti oryndamaý) boıynsha jáne Qylmystyq kodekstegi 362-baptyń 1-bólimi (sot úkimin, sheshimin jáne atqarýshylyq qujatty oryndamaý) boıynsha 2 jyldan 3 jylǵa deıin merzimge, sáıkesinshe Qylmystyq kodeks 362-babynyń 3-bólimi (bereshek somasy 10000 AEK joǵary bolsa) boıynsha 7 jylǵa bas bostandyǵynan aıyrý jazasy engizildi.
Ámirhan Almaǵanbetov.
Derekkóz: Gazeta.kz.
Foto: News. nur. kz.
