«Almaty-О́skemen» avtojolynyń Taldyqorǵan qalasy men Úsharal aralyǵyndaǵy bóliginde kólik qozǵalysy toqtatyldy. Bul týraly «Habar» telearnasy habarlady.
Atalǵan jol jańbyr jaýyp, kóktaıǵaq bolǵandyqtan jabyldy. Sondyqtan osy baǵytpen kele jatqan júk mashınalary men avtobýstar eldi mekender mańaıynda aıaldaýǵa májbúr bolǵan. Ázirge jaýyn toqtaǵan joq. Jol polısııasynyń qyzmetkerleri bul jaǵdaıdy óz baqylaýyna alyp, kólikterdiń odan ári júrýine tyıym saldy. «Almaty qalasynan shyqqan bolatynbyz. Qapshaǵaı kópiri tusyna kelgende, jol polısııasynyń qyzmetkerleri joldyń jabylǵanyn eskertti. Al júrgizýshi jolaýshylardyń qamyn oılap, avtobýsty sóndirmeýge árekettenýde. Alaıda, onyń janarmaıy qaı ýaqytqa deıin jetetini belgisiz», - deıdi jolaýshy Qalam Sazanbaev.
Almaty oblystyq ishki ister departamenti baspasóz qyzmetiniń ókili Janar Tólegenqyzy jańbyr tolastasa, kólik qozǵalysynyń qalpyna keletinin aıtty.
Ámirhan Almaǵanbetov.
Derekkóz: «Habar» telearnasy.
Foto: «Habar» telearnasy.
