Ulytaý saıahatshylardy kútedi

Tarıhı tamyry tereń, tabıǵaty da kórikti Ulytaý týrızmdi da­­my­týǵa suranyp turǵandaı ólke sanalady. Soǵan oraı sońǵy jyl­darda aýdanda bul salany óris­­­­te­týge baǵyttalǵan is-sharalar jan-jaqty qolǵa alynyp otyr. So­nyń biri «Ulytaý-El» atty týrıstik-saýyqtyrý ortalyǵy qu­rylysynyń bastalýy bolyp tabylady. Sol úshin bólingen 3 gektar jerge Ulytaý selolyq okrýgi sheńberinde qosymsha berilgen 5 gektar burynǵy bos orynda alys-jaqynnan kelýshilerge barlyq jaǵdaı jasalǵan ornalasý, qyzmet kórsetý oryndary boı kóteredi. Munda kóne kúmbezderdi, tarıhı eskert­kishterdi at minip aralap, ta­mashalaýyna múmkindik týǵy­zylady. Sonymen birge, otan­­­­­­­­dyq jáne sheteldik meımandar ult­tyq ejelgi óner úlgilerimen, salt-dástúr túrlerimen tanysa alady. Bul iske uıytqy bolýshy aýdan­dyq «Ulytaý» ulttyq tarıhı-mádenı jáne tabıǵat murajaı qory bastamashylyǵymen jergilikti týrızmdi alysqa tanytýǵa arnalǵan basqa da jobalar iske asyrylady. Aımaqtyń eń shalǵaı óńirine saıahatshylardy kóptep tartý eleýli ózgerister ákelmek. Daıyndyq jumystary aıasynda birneshe azamat týrızmdik qyzmettiń qyr-syryn úırený ústinde. Júr­gizilip jatqan kelisimderge sáıkes jaz shyǵa Eýropa elderinen saıahat­shylardyń alǵashqy toby kelip, ol kúzge deıin tolastamaýy tıis. Aıqyn NESIPBAI, «Egemen Qazaqstan». Qaraǵandy oblysy, Ulytaý aýdany.