Elordadaǵy S.Seıfýllın atyndaǵy Qazaq agrotehnıkalyq ýnıversıtetiniń stýdentteri Elbasynyń bıylǵy halyqqa arnaǵan Joldaýyn qoldaý maqsatynda «Birligi jarasqan jastar – Máńgilik Eldiń bolashaǵy» atty patrıottyq aksııa ótkizdi. Shara barysynda oqý ordasynyń 2050 stýdenti el Ánuranyn qosylyp shyrqady. Sondaı-aq, teatrlandyrylǵan kóriniske de eki myńnan astam stýdent qatysty. Dýmandy jıynǵa Parlament Májilisiniń depýtaty, Halyq Qaharmany Baqytjan Ertaev, ýnıversıtet rektory Aqylbek Kúrishbaev qatysty.
Elordadaǵy S.Seıfýllın atyndaǵy Qazaq agrotehnıkalyq ýnıversıtetiniń stýdentteri Elbasynyń bıylǵy halyqqa arnaǵan Joldaýyn qoldaý maqsatynda «Birligi jarasqan jastar – Máńgilik Eldiń bolashaǵy» atty patrıottyq aksııa ótkizdi. Shara barysynda oqý ordasynyń 2050 stýdenti el Ánuranyn qosylyp shyrqady. Sondaı-aq, teatrlandyrylǵan kóriniske de eki myńnan astam stýdent qatysty. Dýmandy jıynǵa Parlament Májilisiniń depýtaty, Halyq Qaharmany Baqytjan Ertaev, ýnıversıtet rektory Aqylbek Kúrishbaev qatysty.
Stýdentter aldynda sóz alǵan Baqytjan Ertaev jalyndy jastardy óziniń patrıottyq sózderimen jigerlendire kele, olarǵa rýhty eldiń ulandary ekenin jetkizdi.
«Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyn el halqy ystyq yqylaspen qabyldady. Jasampazdyqtyń jarshysy bolǵan, respýblıka halqyna jol tartqan Joldaý bul joly el damýynyń 2050 jylǵa deıingi Strategııasyn júzege asyrýǵa baǵyttaldy. Elbasynyń «Máńgilik El» ıdeıasy barshamyzdy bir maqsatqa, aýyzbirlikke, ortaq múddege jumyldyratyn uranǵa aınaldyrýy tıis dep oılaımyn. «Máńgilik Eldegi» basymdyqtar barlyǵymyz úshin oryndalatyn ortaq maqsat ári abyroıly mindet. Osy ortaq maqsatqa aıanbaı qyzmet etýde ýnıversıtettiń bilimdi jastary men oqytýshylar quramy tys qalmaı, belsendilik tanytýy tıis dep sanaımyn. Prezıdentimiz aıtqandaı: «Qazir boı jarystyratyn zaman emes, oı jarystyratyn zaman»», – dedi ýnıversıtet rektory Aqylbek Kúrishbaev.
Basqosýda stýdentter shyǵarǵan «Elbasym – El tiregim» atty rep stılindegi jańa ánniń tusaýy kesildi. Dýmandy shara ult aspaptar orkestri qyz-jigitteriniń dombyra shanaǵynan tógiltken kúmbirlegen kúıimen óz jalǵasyn tapty.
Ábdirahman QYDYRBEK,
«Egemen Qazaqstan».
––––––––––––––
Sýretterdi túsirgen
Erlan OMAROV.
