Keshe Úkimet basshysy Serik Ahmetovtiń tóraǵalyǵymen О́ńirlik damý mınıstrliginiń keńeıtilgen alqa májilisi bolyp ótti. Onyń jumysyna Premer-Mınıstrdiń birinshi orynbasary Baqytjan Saǵyntaev, mınıstrliktiń qurylymdyq bólimsheleriniń basshylary men oblystar jáne Astana, Almaty qalalary ákimderiniń orynbasarlary qatysty.
Keshe Úkimet basshysy Serik Ahmetovtiń tóraǵalyǵymen О́ńirlik damý mınıstrliginiń keńeıtilgen alqa májilisi bolyp ótti. Onyń jumysyna Premer-Mınıstrdiń birinshi orynbasary Baqytjan Saǵyntaev, mınıstrliktiń qurylymdyq bólimsheleriniń basshylary men oblystar jáne Astana, Almaty qalalary ákimderiniń orynbasarlary qatysty.
Alqa májilisinde vedomstvonyń 2013 jylǵy jumys qorytyndylary, sonymen qatar, aǵymdaǵy jylǵa qoıylǵan mindetteri týraly osy mınıstrlik basshysy Bolat Jámishev jasaǵan baıandamada óńirlerdi damytý, qala qurylysy jáne jer kadastryn qurý jaıy, sonymen qatar, «Qoljetimdi turǵyn úı», «Monoqalalardy damytý», «Turǵyn úı-kommýnaldyq sharýashylyqty jańǵyrtý», «Aq bulaq», «Bıznestiń jol kartasy» baǵdarlamalarynyń iske asyrylý barysy týraly sóz boldy. B.Jámishev el aýmaǵyn uıymdastyrýdyń bas shemasyn iske asyrý aıasynda jaqyndaǵy úsh jyl ishinde Aýmaqtyq damýdyń óńiraralyq shemasy ázirlenetindigin aıtyp ótti.
Qazirgi kúni «Monoqalalardy damytý» baǵdarlamasyn júzege asyrýǵa ekpin berilýde. Olardyń kommýnaldyq salasyndaǵy paıda bolǵan problemalardy sheshý úshin 2013 jyly qarjylandyrý kólemi eki esege ulǵaıtyldy (6 mlrd.-tan 14,8 mlrd. teńgege deıin). Bul monoqalalardyń ınjenerlik ınfraqurylymdaryn damytý jáne abattandyrý boıynsha 195 jobany iske asyrýǵa yqpal etti.
2100-den astam aýyldyq eldi mekenderdegi áleýmettik jáne ınjenerlik ınfraqurylym nysandaryn kommýnaldyq retke keltirý jáne jóndeý boıynsha 2500 joba iske asyryldy. Bul rette, «neni jóndeý qajet jáne qandaı jobalarǵa qarajat jumsaǵan jón» degen máseleler aýyl turǵyndarynyń qatysýymen sheshildi.
Mınıstrlik qadaǵalaýynda turǵan «Bıznestiń jol kartasy-2020» baǵdarlamasy – kásipkerlerdi qoldaýdyń eń tıimdi tetikteriniń biri. Búgingi kúni 36 myńnan astam kásipker baǵdarlama boıynsha qoldaý sharalarymen qamtylyp, ekonomıkadaǵy árbir 5-shi jańa jumys orny osy istiń aıasynda quryldy.
Turǵyn úı qurylysy máseleleri boıynsha mınıstrliktiń 2013 jylǵy qyzmeti halyqtyń turǵyn úıge qoljetimdiligin odan ári arttyrýǵa jáne úleskerlerdiń qarajatyn qorǵaý tetikterin ázirleýge baǵyttaldy. Turǵyn úıge degen ósip kele jatqan qajettilik eskerile otyryp, jergilikti atqarýshy organdarda kezekte turǵan adamdar úshin «Turǵyn úı qurylys jınaq banki» AQ, «Qazaqstandyq ıpotekalyq kompanııa» AQ, «Samuryq-Qazyna» jyljymaıtyn múlik qory» AQ arqyly salynyp jatqan turǵyn úılerdi satý máseleleri qosymsha pysyqtalý ústinde. О́tken jyly barlyq qarjylandyrý kózderi boıynsha turǵyn úı qurylysyna 477,8 mlrd. teńge ınvestısııa jumsalyp, salynǵan qarjy kólemi 2012 jylǵa qaraǵanda 7 paıyzǵa artty. Elimiz boıynsha 6,8 mln. sharshy metr turǵyn úı salynsa, onyń 3,6 mln. sharshy metrin nemese 52 paıyzyn jeke turǵyn úı qurylysy qurady.
Barlyq ákimdikter jalǵa beriletin turǵyn úıdi iske qosý boıynsha jyldyq jospardy oryndady. Kezekte turǵandar jáne jas otbasylar úshin alańy 389,1 myń sharshy metr bolatyn 6680 páter salyndy.
Nesıe qarajaty esebinen turǵyn úı qurylys jınaqtary júıesi arqyly turǵyn úı salýǵa jáne satýǵa 2013 jyly respýblıkalyq bıýdjetten óńirlerge 29,4 mlrd. teńge bólinip, bul qarjy 95 paıyzǵa ıgerildi (nesıe qarajatyn ıgerý merzimi – 2 jyl). Oǵan alańy 314,6 myń sharshy metr bolatyn 4 793 páter salynyp, jyldyq jospar 121 paıyzǵa oryndaldy.
Alqa májilisin qorytyndylaǵan Premer-Mınıstr Serik Ahmetov «Memleket basshysynyń Jarlyǵyna sáıkes qurylǵan derbes О́ńirlik damý mınıstrligi óńirlik saıasatty júıelendirýdi múmkin etti», deı kele, osyǵan oraı 2013 jyldyń aımaqtardyń yrǵaqty damýyn qamtamasyz etýde kóp jaǵdaıda aıqyndaýshy kezeń bolǵandyǵyn atap kórsetti.
Premer-Mınıstr óz sózinde óńirlik damýdyń aýqymdy máselelerine erekshe nazar aýdardy. Atap aıtqanda, óńirlik saıasatta basymdylyq berilip otyrǵan ekonomıkalyq ósim ortalyqtaryn qalyptastyrý máselesine keńinen toqtalyp ótti.
«Memleket basshysynyń tapsyrmasy boıynsha Astana, Almaty, Shymkent jáne Aqtóbe qalalarynda osy qalalardyń bolashaq damýyn negizdeıtin aglomerasııalar qurylýda. Prezıdent bizdiń aldymyzǵa Astana men Almaty aglomerasııalaryn damytýdyń 2030 jylǵa deıingi strategııasyn daıyndaý mindetin qoıdy. Bul mańyzdy qujat bıylǵy jyldyń sońyna deıin ázir bolýy kerek. Sondyqtan, birlesip atqaratyn bul jumys sizderdiń basty nazarlaryńyzda bolýy tıis», dedi S.Ahmetov.
Osyǵan oraı Premer-Mınıstr О́ńirlik damý mınıstrligine ákimdermen birlese otyryp, damý baǵdarlamalary sheńberinde barlyq qalalar men aýdandardy memlekettik qoldaý sharalarymen tolyq qamtý boıynsha qosymsha sharalar qabyldaýdy tapsyrdy.
«Tutastaı alǵanda, mınıstrlik ózine júktelgen mindetke sáıkes óńirlik damýǵa baǵyttalǵan barlyq baǵdarlamalardy úılestirý isine erekshe mán berip, osy istegi monıtorıngtik sharalardy kúsheıte túsýi kerek», dedi S.Ahmetov.
Úkimet basshysy, sondaı-aq, Prezıdenttiń turǵyndardyń «Qoljetimdi turǵyn úı» baǵdarlamasyna qatysýy jaǵdaıyn ońaılatý jónindegi tapsyrmasyn buljytpaı oryndaý qajettigin eskertti.
«Bul úshin baǵdarlamanyń barlyq baǵyttary boıynsha úı kezeginde turǵandardyń páter alýyn erekshe nazarda ustaý kerek, baǵdarlamaǵa qatysýshylardyń barlyǵyna biryńǵaı talap qoıý máselesin retke keltirip, osyǵan oraı baǵdarlamaǵa tıisti túzetýler engizýdi jedeldetý qajet», dep atap kórsetti S.Ahmetov.
Sózin qorytyndylaı kele, Premer-Mınıstr Memleket basshysynyń tapsyrmalaryn oryndaý úshin mınıstrlikke uzaq-merzimdi ekonomıkalyq ósim ortalyqtaryn qurý boıynsha jumysty shırata túsýdi, osy istegi memlekettik qoldaý sharalaryn barynsha retteýdi tapsyrdy.
«Mınıstrlik óńirlerdi damytýǵa baǵyttalǵan bıýdjet qarjysyn tıimdi paıdalanýǵa erekshe nazar aýdaryp, osy isti úılestirýdi qamtamasyz etetin bolsyn. Bul iste mınıstrlik arqyly kórinis tabatyn «bir tereze» qaǵıdaty oblystar úshin bıýdjettik ınvestısııalyq jobalardy bekitý kezinde mańyzdy býyn bolýy tıis», dep atap kórsetti Úkimet basshysy.
Suńǵat ÁLIPBAI,
«Egemen Qazaqstan».
