Keshe Ulttyq kásipkerler palatasy tóralqasynyń tóraǵasy Tımýr Qulybaev jáne osy palatanyń basqarma tóraǵasy Abylaı Myrzahmetov BAQ ókilderimen baspasóz máslıhatyn ótkizip, bul jańa qurylymnyń atqaratyn jumysy men mindetteri týraly baıandady.
Keshe Ulttyq kásipkerler palatasy tóralqasynyń tóraǵasy Tımýr Qulybaev jáne osy palatanyń basqarma tóraǵasy Abylaı Myrzahmetov BAQ ókilderimen baspasóz máslıhatyn ótkizip, bul jańa qurylymnyń atqaratyn jumysy men mindetteri týraly baıandady.
Baspasóz máslıhatyn Tımýr Qulybaev ashyp, kirispe sóz sóıledi. О́z sózinde ol memleket pen bıznes arasynda senimdi kópir bolyp tabylatyn jańa qurylymnyń ómirge kelgenin atap kórsetti. Búgingi tańda palatany uıymdastyrý jumystary tolyq aıaqtaldy. Elimizdiń barlyq óńirlerinde aýdandyq deńgeıge deıingi naqty satylas Ulttyq kásipkerler palatasynyń qurylymy qalyptasty. Alda turǵan endigi basty mindet kásipkerler palatasynyń memlekettik organdarmen, jergilikti atqarýshy bılik organdarymen ózara áriptestik baılanysyn qalyptastyrý bolyp tabylady.
Búginde elimizde tirkelgen 1,5 mıllıonnan astam kásipkerlik sýbektileri bar. Onyń 20 myńy orta kásipkerlik býyn bolsa, qalǵany shaǵyn bızneste jumys isteıdi. Tipti, ony mıkrobıznes dep te ataýǵa bolady. Naq osy másele búgin Úkimette ótken májiliste atap kórsetildi. Úkimet aldaǵy ýaqytta 15 adamǵa deıingi shaǵyn kásiporyndardy mıkrobıznes dep taný jóninde sheshim qabyldamaq, dep atap kórsetti Tımýr Qulybaev. Bolashaqta orta jáne shaǵyn bıznes sýbektilerine kómek kórsetý máselesinde Ulttyq kásipkerler palatasy «Bir tereze» qaǵıdatymen jumys isteıtin bolady. Qazir shaǵyn jáne orta kásipkerlikke baılanysty barlyq tetikter Úkimetten Ulttyq kásipkerler palatasyna berildi. Búginde palatanyń jer-jerdegi qurylymdary kásipkerlikti damytýǵa qandaı máselelerdiń kedergi bolyp otyrǵandyǵy, ásirese, aýyldyq jerlerde shaǵyn kásipkerlikti damytý úshin qandaı máselelerdi júzege asyrý kerektigin zertteýde. Bolashaqta olardyń usynys-pikirleri basshylyqqa alynyp, elimizde kásipkerlikti damytýdyń naqty baǵdarlamalary jasalatyn bolady.
Abylaı Myrzahmetov qoıylǵan suraqqa baılanysty kásipkerlik sýbektileriniń palataǵa múshe bolýy úshin tóleıtin jarnasy týraly baıandady. Onyń aıtýynsha, jarna tóleıtin 22,5 myń sýbekti 2 topqa bólinedi. Onyń ishinde 2300-iniń jyldyq qarjy aınalymy 2,6 mıllıard teńgeni quraıtyn iri kompanııalar men qazba baılyqtaryn ıgerýshiler bolyp tabylady. Olar jylyna 8 mıllıon 148 myń teńge jarna tóleıdi. Ekinshi topqa jyldyq qarjy aınalymy 107 mıllıon jáne odan joǵary bolatyn kásiporyndar. Bul topqa shamamen 20 myń kásiporyn kiredi. Olar jylyna 267 myń teńge jarna tóleıdi. Bizdiń oıymyzsha, bul kásiporyndarǵa úlken salmaq salmaıdy. Al shaǵyn jáne orta kásipkerliktiń basqa sýbektileri jarna tóleýden múlde bosatylady, dedi palatanyń basqarma tóraǵasy.
Tımýr Qulybaev óziniń sózinde Elbasynyń bıylǵy Joldaýynda kásipkerlikti damytýǵa baılanysty qoıylǵan mindetterdi aıta kelip, shaǵyn jáne orta bıznes elimizdi damytýdyń 2050 jylǵa deıingi strategııalyq damýynyń basty qozǵaýshy kúshi bolatyndyǵyn atap kórsetti. Bul rette shaǵyn jáne orta kásipkerlikti damytý maqsatynda jańa basymdyqtarǵa jol berilmek. Eń bastysy, halyqty shaǵyn jáne orta kásipkerlikke tartý úshin aqparattyq nasıhatty arttyrý qajet. Sonymen birge, kásipkerlikpen shuǵyldanatyndardy oqytý máselesi de keńinen júrgizilýi qajet. Aýyldyq jerlerde turǵyndardy kásipkerlikke barynsha tartý maqsatynda aýdandarda Kásipkerler úıin ashyp, óziniń jeke isin bastaýǵa nıet bildirgenderge jan-jaqty kómek kórsetý sharalary is júzine asyrylatyn bolady. Ulttyq kásipkerler palatasy aldaǵy ýaqytta elimizde kásipkerlikti damytýǵa ıgi yqpal etetin zańdardy qabyldaý maqsatynda Úkimetpen jáne Parlamentpen tyǵyz baılanysta jumys isteıtin bolady.
Baspasóz máslıhatynda jýrnalıster tarapynan qoıylǵan kóptegen suraqtarǵa naqty jaýap qaıtaryldy. Osy rette, bizdiń tarapymyzdan gazetimizde jarııalanǵan maqalaǵa oraı, belgili kásipker Islambek Saljanov ótken jyly óziniń týǵan óńiri Aqtóbe oblysynyń Qobda aýdanynda jalpy quny 460 mıllıon teńge bolatyn zamanaýı balalar baqshasyn salǵandyǵy, osy ıgi bastamanyń basqa da iri kásipkerler men bıznesmender arasynda jan-jaqty qoldaý tabýy úshin Ulttyq kásipkerler palatasy qandaı sharalardy júzege asyra alady, degen suraǵymyzǵa Abylaı Myrzahmetov jan-jaqty jaýap berdi. Ol óz sózinde Islambek Saljanovtyń palatanyń Aqtóbe óńiri boıynsha ókili bolyp tabylatyndyǵyn aıta kelip, onyń bastamasyn kásipkerler arasynda keńinen qoldaý maqsatynda qozǵalys bastalǵandyǵyn atap kórsetti.
Jylqybaı JAǴYPARULY,
«Egemen Qazaqstan».
