Keshe Ortalyq kommýnıkasııalar qyzmetindegi kezekti brıfıng «Báıterek» basqarýshy holdınginiń basqarma tóraǵasy Qýandyq Bıshimbaevtyń qatysýymen ótti. Onda basqarma tóraǵasy Elbasynyń bıylǵy Joldaýynda aıtylǵan tapsyrmalarǵa oraı «Báıterek» holdınginiń qolǵa alǵan sharalaryn baıandap berdi.
Keshe Ortalyq kommýnıkasııalar qyzmetindegi kezekti brıfıng «Báıterek» basqarýshy holdınginiń basqarma tóraǵasy Qýandyq Bıshimbaevtyń qatysýymen ótti. Onda basqarma tóraǵasy Elbasynyń bıylǵy Joldaýynda aıtylǵan tapsyrmalarǵa oraı «Báıterek» holdınginiń qolǵa alǵan sharalaryn baıandap berdi.
Memleket basshysy Joldaý aıasynda qarjy sektorynyń 2030 jylǵa deıingi damý tujyrymdamasyn jasaýdy tapsyrǵan bolatyn. Iаǵnı el ekonomıkasynyń qarqyndy damýyn qamtamasyz etý úshin, sonyń ishinde údemeli ındýstrııalyq-ınnovasııalyq damý baǵdarlamasy aıasynda qoıylǵan mindetterdi atqarý úshin ekonomıkanyń senimdi jáne uzaq-merzimdi qarjylandyrylýyn qamtamasyz etý kerek. Budan týyndaıtyn basty mindet –Qazaqstannyń qarjy júıesiniń tıimdiligin arttyrý. Mine, «Báıterektiń» basty mindetteriniń baǵyty osyndaı. Brıfıngte osyǵan baılanysty aqparattarymen bólisken Q.Bıshimbaev holdıng ındýstrııalandyrý jobalaryna múmkindiginshe mol ınvestısııa tartýdy oılastyryp otyrǵandyǵyn atap ótti. Onyń aıtýynsha, 2020 jylǵa arnalǵan Indýstrııalandyrý kartasy aıasyndaǵy jobalarǵa shamamen 7 trln. teńge qarjy qajet. Osyǵan oraı «Báıterek» holdıngi 5 jyl ishinde damý ınstıtýty retinde 1,5 trln. teńge kóleminde uzaq-merzimdi ınvestısııa tartýdy josparlaýda.
«Bul qarajat birneshe kózderden alynatyn bolady. Sonymen qatar, memleket holdıngke kapıtaldandyrý arqyly úlken kómegin tıgizetinine senemiz. Biz nesıelerdi 7-8 paıyz deńgeıinde emes, Damý banki arqyly 4-5 paıyz deńgeıindegi sapaly jáne uzaqmerzimdi nesıelermen qamtamasyz etýdi kózdeýdemiz. Sondyqtan, eldegi serpindi jobalardyń tıimdiligi birden artatyn bolady. Damý ınstıtýttary bolǵandyqtan Elbasynyń Joldaýynda aıtylǵan tapsyrmalardy alǵa tarta otyryp, osyndaı maqsattar qoıdyq», dedi ol.
Qazaqstandy ındýstrııalandyrý eń aldymen, ózimizde bar shıkizatty odan ári óńdeýge baǵyttalýy kerek, dep qosty Q.Bıshimbaev. Ol sondaı-aq, «Báıterek» holdıngi men Islam damý korporasııasy «jasyl ekonomıka» salasynda venchýrlyq qor qurý týraly kelisimge qol jetkizip otyrǵandyǵyn aıtyp ótti.
«Qor bıyl qurylady. Ázirge qordaǵy bastapqy soma 50 mln. AQSh dollaryn shamalaıtyn bolady. Demeýshiler – Ulttyq tehnologııalyq damý agenttigi, Qazaqstan kásipkerleriniń atynan bir top jekemenshik ınvestor kompanııalar jáne Islam damý korporasııasy», dedi holdıng basshysy.
Q.Bıshimbaevtyń aıtýynsha, eger qazaqstandyq «jasyl» jobalar ózderine salynǵan qarajatty aqtaıtyn bolsa, onda qordyń kólemi 100 mln. dollarǵa deıin ulǵaıtylady.
«Jýyrda Úkimet granttar tetigin keńeıtýdi maquldady. Iаǵnı endi granttar barynsha mol maqsattarǵa beriletin bolady. Onyń ishinde sheteldik tehnologııalar transferti de bar. Memleket basshysy óziniń Joldaýynda otandyq ınnovasııalyq ázirlemelerge úlken mán berý jáne álemde qalyptasqandardyń bárin paıdalana bilý qajettigi jaıly basa aıtqan bolatyn», dedi holdıng basshysy.
Q.Bıshimbaev holdıngtiń enshiles uıymdarynyń biri –Tehnologııalyq damý jónindegi ulttyq agenttik ınnovatorlarǵa grant berýdiń barynsha mol tetikterin usynyp otyrǵandyǵyn da atap ótti. Osynyń arqasynda 120-dan astam kásiporyn 100 mln. AQSh dollarynan astam somadaǵy qarjylaı qoldaýǵa ıe bolǵan.
Túıindeı aıtsaq, Elbasynyń bıylǵy Joldaýynda «Báıterek» holdıngine júktelgen jaýapkershilik jeńil emes. Soǵan saı olardyń qolǵa alǵan sharalary da barshylyq syńaıly. Onyń bárin Q.Bıshimbaev brıfıngte tizbektep shyqty. Máselen, joǵaryda atalǵandardan bólek holdıng memleket-jekemenshik áriptestigi aıasyndaǵy jobalardy súıemeldeý ortalyǵyn qurýǵa, ınfraqurylymdyq jobalar qoryn qurýǵa atsalysyp otyr. Sonymen qatar, shaǵyn jáne orta kásipkerlikti damytýǵa da barynsha kúsh salmaq. Oǵan qosa, azamattardyń baspana jaǵdaıyn jaqsartý sharalary aıasynda da birshama jumystar atqarmaq.
Dınara BITIKOVA,
«Egemen Qazaqstan».
