Mańǵystaý oblysynda 20 etnomádenı birlestik bar. Jaqynda Qazaqstan halqy Assambleıasy quramynda únemi belsendilik tanytyp, túrli sharalardyń basy-qasynda júretin olar, ıaǵnı ózge ult ókilderi bas qosyp, Joldaýǵa biraýyzdan qoldaý bildiretindigin jetkizdi.
Mańǵystaý oblysynda 20 etnomádenı birlestik bar. Jaqynda Qazaqstan halqy Assambleıasy quramynda únemi belsendilik tanytyp, túrli sharalardyń basy-qasynda júretin olar, ıaǵnı ózge ult ókilderi bas qosyp, Joldaýǵa biraýyzdan qoldaý bildiretindigin jetkizdi.
Bul basqosýdy Mańǵystaý oblystyq Qazaqstan halqy Assambleıasy hatshylyǵynyń basshysy G.Esmýrzına ashyp, Memleket basshysy N.Nazarbaevtyń qazaqstandyqtarǵa joldanǵan kezekti Joldaýy jaıly aıtyp ótti.
– Elbasynyń árbir jylǵy joldaýlary bárimizge jaqsy tanys. Sizderdiń ár ýaqytta joldaýlardy tyńdap, qoldaý bildirip kele jatqandaryńyz bizge túrli deńgeıdegi buqaralyq aqparat quraldarynan belgili. On segizinshi bolyp joldanǵan bıylǵy «Qazaqstan joly – 2050: bir maqsat, bir múdde, bir bolashaq» atty Joldaýdyń arqalap turǵan júgi barynsha aýyr jáne mańyzdy. Saıası mańyzdylyǵy, memlekettik damýdyń tetikterin tııanaqtaýy turǵysynan aldyńǵy joldaýlardy maǵynalyq jaǵynan tolyqtyra tústi. Bul Elbasy Nursultan Nazarbaev júrgizip otyrǵan saıasattyń birtutastyǵynyń, alyp mejelerdi kezeń-kezeńimen júzege asyrý arqyly táýelsiz elimizdi damyǵan 30 eldiń qataryna qosý maqsatynyń kórinisi, – degen Gúljan Maqsutqyzy jańa Joldaýǵa toqtaldy.
Shaǵyn jáne orta kásipkerlikti damytý, ekonomıka men energetıka, áleýmettik jáne aýyl sharýashylyǵy salalary, kólik, tranzıttik tegeýrindilikti nyqtaý, geologııa salasyn damytýdy qolǵa alý, otansúıgishtikti damytý baǵytynda aıtylǵan tapsyrmalarǵa jeke-jeke toqtaldy. Etnomádenı birlestik ókilderi shákirtaqynyń, jalaqynyń ósýine yqylas tanytýmen birge, Aqtaý teńiz portynyń jańǵyrtylýynyń, «Beıneý – Jezqazǵan» temirjol jelisi qurylysynyń salynýyna baılanysty batys pen shyǵys arasyndaǵy «altyn kópirge» aınalýdyń aımaq úshin mańyzdylyǵyn joǵary baǵalady.
О́zge dep ózekke teppeı, babasynan bastap baýyryna basqan Qazaq eline rıza etnomádenı birlestikter ókilderiniń sózin usynýdy jón sanadyq.
Gıvı SVANIDZE, «Sakartvelo» grýzın etnomádenı birlestiginiń tóraǵasy:
– Memleket basshysynyń jyl saıynǵy joldaýlarynan ulttyq murattyń lebi esip turady. Bıylǵy Joldaý da ómirsheń ıdeıalarǵa toly. Biz munda aıtylǵan alyp bastamalardy, tyń tapsyrmalardy tek birliktiń arqasynda júzege asyra alamyz. Biz Elbasyna osylaı qoldaý kórsetýimiz kerek. Men Nursultan Nazarbaevtyń saıasaty Qazaqstandy alǵa shyǵarady dep oılaımyn jáne Joldaýdy tolyq qoldaımyn.
Iýsýp ShAHShAEV, «Daǵystan» etnomádenı birlestiginiń tóraǵasy:
– Joldaýda aıtylǵan Aqtaý porty – Qazaqstannyń ekonomıkasy úshin qanshalyqty mańyzdy ekeni barshaǵa belgili. Al onyń damýy, tasymaldanatyn júk kóleminiń artýy Mańǵystaý óńiri úshin óte-móte tıimdi. Oǵan Beıneýden ortalyq Qazaqstanǵa qaraı salynyp jatqan temirjol qurylysyn qosyńyz. Munyń bári aımaqtyń ósip-órkendeýine bastaıtyn bolady. Jańa Joldaýdy da qashanǵy dástúrine, sıpatyna saı ón boıyna Qazaqstannyń bolashaq damýynyń baǵyt-baǵdaryn jınap, tutastyrǵan qujat boldy dep sanaımyn.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
