Almatyda «Qazaqstannyń ıadrolyq qoǵamy» (QIаQ) qaýymdastyǵynyń jyl qorytyndysyna arnalǵan konferensııa ótti. Atalǵan sharaǵa «Qazatomónerkásip» UAK quramyndaǵy kásiporyndar, IJTM Atom energııasy komıteti men «Ulttyq ıadrolyq ortalyq» RMK ókilderi qatysty. Basqosýdy Qazaqstannyń ıadrolyq qoǵamynyń prezıdenti – «Qazatomónerkásip» UAK» AQ basqarma tóraǵasy Vladımır Shkolnık kirispe sózben ashty. Ol óz sózin Elbasy Nursultan Nazarbaevtyń el halqyna Joldaýynda atap kórsetken mindetterden bastady.
Almatyda «Qazaqstannyń ıadrolyq qoǵamy» (QIаQ) qaýymdastyǵynyń jyl qorytyndysyna arnalǵan konferensııa ótti. Atalǵan sharaǵa «Qazatomónerkásip» UAK quramyndaǵy kásiporyndar, IJTM Atom energııasy komıteti men «Ulttyq ıadrolyq ortalyq» RMK ókilderi qatysty. Basqosýdy Qazaqstannyń ıadrolyq qoǵamynyń prezıdenti – «Qazatomónerkásip» UAK» AQ basqarma tóraǵasy Vladımır Shkolnık kirispe sózben ashty. Ol óz sózin Elbasy Nursultan Nazarbaevtyń el halqyna Joldaýynda atap kórsetken mindetterden bastady.
«Memleket basshysy eger biz álemniń básekege barynsha qabiletti 30 eliniń qataryna engimiz kelse, osyny jasaýymyz kerek dep atom energetıkasyna qatysty óziniń kózqarasyn anyq jetkizdi. Qazaqstannyń ıadrolyq qoǵamy elimizdiń joǵary tehnologııalary salasyndaǵy úzdik ınjenerler men úzdik tehnologtardy, úzdik ýnıversıtetter men úzdik ǵylymı ortalyqtardy biriktirip otyrǵandyqtan, bul bizge de aıryqsha jaýapkershilik júkteıdi. Bul bizdiń el halqy aldyndaǵy azamattyq paryzymyz, elimizdiń ınnovasııalyq damýyna qosar úlesimiz bolmaq», dedi ol.
QIаQ mindetteri týraly aıta kele Vladımır Shkolnık kásiporyn basshylaryn atom salasymen qatar, balamaly energetıkany, ǵylymdy kóp qajetsinetin tehnologııalar men sırek jer metaldar salasyn da damytýǵa shaqyrdy. Sondaı-aq ol jasyl energetıkany nasıhattaýdyń mańyzdylyǵyna toqtaldy. «Iаdrolyq energetıka – taza energetıka, ol jasyl tehnologııalardyń bir túri. Jasyl energetıkamen shuǵyldanǵandar ıadrolyq, kún jáne jel energetıkalarymen de shuǵyldanady», dep túıindedi sózin Vladımır Shkolnık.
Qazaqstannyń ıadrolyq qoǵamy óskeleń urpaqpen de belsendi jumys júrgizip keledi. Atap aıtqanda, qoǵam joǵary synyp oqýshylary men stýdentter úshin leksııalar, semınarlar, ekskýrssııalardy turaqty túrde ótkizedi. Radıasııalyq qaýipsizdik boıynsha mundaı leksııalar «Baıken-U» jáne «KB-6» kásiporyndaryna jaqyn mańdaǵy aýyl balalaryna arnap uıymdastyrylǵan. Al «Baıken-U» kenishine jaqyn aýyldarda turatyn bir top oqýshylar Astanaǵa jasalǵan tehnıkalyq týrǵa qatysyp, Oqýshylar saraıymen de tanysqan.
Iаdrolyq qoǵam qatysýshylary mektep oqýshylary men JOO stýdentteri arasynda ǵana emes, sala kásiporyndary qyzmetkerleri arasynda da bilim deńgeıin kóterý jumystaryn júrgizýge qatysýǵa sheshim qabyldaǵan.
Jıyn sońynda QIаQ músheleri bıylǵy jylǵa arnalǵan jumys josparyna óz usynystaryn engizdi.
«Egemen-aqparat».
