Almaty oblysy Eskeldi aýyly Terekti aýylynda qańtardyń 25-i kúni úsh jasar Nadıa Belonogova aıaq astynan joǵalyp ketti. Sol boıda ony izdeýge polısııa qyzmetkerleri, áskerıler, erikti halyq jasaqtary men aýyl turǵyndary túgel kóterildi.
Almaty oblysy Eskeldi aýyly Terekti aýylynda qańtardyń 25-i kúni úsh jasar Nadıa Belonogova aıaq astynan joǵalyp ketti. Sol boıda ony izdeýge polısııa qyzmetkerleri, áskerıler, erikti halyq jasaqtary men aýyl turǵyndary túgel kóterildi.
Keıin anyqtalǵandaı, sábıdi 32 jastaǵy ógeı ákesi uryp óltirgen bolyp shyqty. Balanyń bar jazyǵy ýaqtyly dáretke suranbaǵany eken. Ústin búldirip alǵan kishkentaı qyzdy ol bas salyp, soqqynyń astyna alady. Eresek adamnan ólimshi bolyp taıaq jegen Nadıa eńkildep jylaǵan qalpy dıvanǵa jatady.
Birazdan keıin dybysy shyqpaı qalǵan balany baryp kórgen ógeı ákesi onyń ólip ketkenin biledi. Sodan keıin qylmysynyń izin jasyrmaq bolyp, kishkentaı múrdeni aýyl syrtyndaǵy ózenniń sýatyna aǵyzyp jiberedi. Tıtimdeı qaryndastarynyń joq bolyp ketkenin 25 qańtarda áýeli úıdegi estııar balalar ańǵarady. Al kelesi kúni balanyń joǵalǵany týraly Eskeldi aýdandyq ishki ister bólimine habarlanady.
Tekserý barysynda balalardyń ógeı ákesiniń narkologııalyq dıspanserde «alkogolızm» dıagnozymen em alyp júrgeni anyqtaldy. 27 qańtar kúni jedel-izdeý sharalarynyń barysynda Sergeı Syroed óziniń jasaǵan qylmysyn tolyq moıyndady. Qazir oǵan qatysty qylmystyq is qozǵaldy. Balanyń denesi sot-medısınalyq saraptamaǵa jiberildi.
Qurysh NURYMBET.
