Jyl saıyn elimizdiń barlyq óńirindegi 1-7 synyp oqýshylary arasynda ótip kele jatqan respýblıkalyq «Zerde» shyǵarmashylyq jobalar jarysy bıyl da óz jalǵasyn tapty. Toǵyz ret bolǵan bul bilim saıysyna uıytqy bolyp kele jatqan Bilim jáne ǵylym mınıstrligi «Daryn» respýblıkalyq ǵylymı-praktıkalyq ortalyǵy ekenin aıta ketsek deımiz. Konkýrstyń negizgi maqsaty, oqýshylardyń arasyndaǵy talanttardy taýyp, olardyń shyǵarmashylyq, zertteýshilik belsendiligin arttyra otyryp, keleshegine durys baǵyt berý. Olardyń ıntellektýaldy áleýetin arttyrý da negizgi mindet bolyp esepteledi.
Jyl saıyn elimizdiń barlyq óńirindegi 1-7 synyp oqýshylary arasynda ótip kele jatqan respýblıkalyq «Zerde» shyǵarmashylyq jobalar jarysy bıyl da óz jalǵasyn tapty. Toǵyz ret bolǵan bul bilim saıysyna uıytqy bolyp kele jatqan Bilim jáne ǵylym mınıstrligi «Daryn» respýblıkalyq ǵylymı-praktıkalyq ortalyǵy ekenin aıta ketsek deımiz. Konkýrstyń negizgi maqsaty, oqýshylardyń arasyndaǵy talanttardy taýyp, olardyń shyǵarmashylyq, zertteýshilik belsendiligin arttyra otyryp, keleshegine durys baǵyt berý. Olardyń ıntellektýaldy áleýetin arttyrý da negizgi mindet bolyp esepteledi.
Konkýrs erejesi boıynsha júldegerler úsh kezeń negizinde anyqtalady. Onyń birinshisinde oqýshylardyń óz Otanyn súıýi, týǵan ólkesin ardaqtaýy, aldyńǵy tolqynnyń senimin aqtaý, taǵy basqa. Atalǵan konkýrsqa Otanymyzdyń barlyq aımaǵynan 306 jas zertteýshiler qatysty. Olardyń qatarynda Nazarbaev zııatkerlik mektepteriniń de baptaǵan ul men qyzdary boldy. Konkýrsqa belgili ǵalymdar, ádisker muǵalimder qazylyq etti. Oqýshylardyń jas erekshelikterine qaraı eki topqa bólinip, 8 seksııada olardyń ǵylymı jumystary saralandy. Konkýrstyń nátıjesi boıynsha úzdik komandalar anyqtaldy. Birinshi oryndy – Astana qalasy, Pavlodar, Shyǵys Qazaqstan oblystary alsa, ekinshi oryndy – Aqtóbe, Jambyl, Qyzylorda oblystary jáne Nazarbaev zııatkerlik mektepteri ıelendi. Úshinshi oryn –Aqmola, Qaraǵandy oblystarymen birge, Almaty qalasynyń enshisine tıdi. Júldegerlerge dıplomdar men sertıfıkattar, baǵaly syılyqtar tabys etildi. Elimizdiń barlyq óńirinen kelgen oqýshylar kórikti Kókshe óńirindegi Shýche-Býrabaı tabıǵı-ulttyq saıabaǵyn aralap kórdi. «Baldáýren» respýblıkalyq oqý-saýyqtyrý ortalyǵynyń «Jastar» pedagogıkalyq otrıadynyń uıymdastyrýymen bolǵan konsert qoıylymyn tamashalap, keler jyly osyndaı bilim saıysynda bas qosamyz dep tarasty.
Súleımen MÁMET,
«Egemen Qazaqstan».
