Búgin Astanada tennısten Qazaqstan quramasy Devıs Kýbogynyń 1/8 fınalynda Belgııa komandasymen alǵashqy kezdesýin ótkizdi. Bul týraly egemen.kz tilshisi habarlady.
Birinshi kúni kortqa Mıhaıl Kýkýshkın men Rýben Bemelmans shyqty. Bul kezdesýde otandasymyz qarsylasyn 6:4, 6:7(3), 6:2, 6:3 esebimen utty. Erteńgi oıyn Andreı Golýbev pen Davıd Goffen arasynda ótedi. Osydan keıin Evgenıı Korolev pen Denıs Evseev juby Olıve Rýhos pen Kımmer Koppeıansqa qarsy oınaıdy.
Jeksenbi kúni Mıhaıl Kýkýshkın men Davıd Goffen, Andreı Golýbev pen Rýben Bemelmans 1/8 fınaldyń sońǵy núktesin qoıady.
Osy kezdesýde shırek fınalǵa shyqqan komanda anyqtalady.
Kezdesýler Astanadaǵy «Dáýlet» Ulttyq tennıs ortalyǵynda ótip jatyr.
Dastan Kenjalın.
Derekkóz: «Dáýlet» ulttyq tennıs ortalyǵy.
