Kedenniń kenen kirisi

Atyraý kedenshileri el bıýdjetin 275 mıllıard  887 mıllıon 695 myń teńgemen tolyqtyrdy Munaıly Atyraýdyń AQSh, Ulybrı­tanııa, Italııa, Fransııa, Qytaı, Japonııa, Koreıa, Túrkııa, Reseı, Germanııa sekildi ­ekonomıkasy órge basqan kóptegen eldermen saýda-ekonomıkalyq baılanys ornatýynyń jemisi kedendik túsimderge oń yqpal etip otyr. Osy jáne ózge de eldermen birlese qurylǵan  kásiporyndar jumysy da jandanýda. О́ńirde iske asyrylyp jatqan mańyzdy jobalarǵa shetelderden tasymaldanatyn ımporttyq taýarlardyń túrleri de mol. Atyraýdan álemniń ár túkpirine jóneltilgen eksporttyq  ónimderdiń úlesi ulǵaıýda. Al bul óńir kedenshilerine úlken jaýapkershilik júktep otyrǵany daýsyz. El shekarasy arqyly kontrabandalyq taýarlardyń ótpeýin qyraǵylyqpen qadaǵalaıtyn óńir kedenshileri el bıýdjetine kiris túsirý kólemin jyl saıyn arttyra túsýde. Oblystyq kedendik baqylaý departamenti usynǵan málimetke súıensek, byltyr Atyraý kedenshileri el bıýdjetine 275 mıllıard  887 mıllıon 695 myń teńge kiris túsirdi. Bul aldyńǵy jylǵy kórsetkishten 63 mıllıard 716 mıllıon  597 myń teńgege artty. Kedennen túsken kenen kiristi ár kedenshiniń úlesine shaqqanda 1 mıllıard 232 mıllıon teńgeden keledi eken. Demek, el qorjynyn kedendik kirister men túsimder arqyly toltyrýda Qurmanǵalı Tasmaǵanbetov jetekshilik etetin atyraýlyq  kedenshiler taǵy bir ret bıik mejeden kórindi deýge tolyq negiz bar. Joldasbek ShО́PEǴUL, «Egemen Qazaqstan». Atyraý oblysy.