Kún tártibinde – Elbasy Joldaýyn túsindirý men nasıhattaý

Májilis depýtattary aqpan aıynyń 6-sy men 15-i aralyǵynda elimiz aımaqtarynda bolyp, Elbasynyń «Qazaqstan joly-2050: bir maqsat, bir múdde, bir bolashaq» Joldaýyn túsindirý, nasıhattaý jumysyna kirispek. Bul týraly «Nur Otan» partııasy fraksııasynyń jınalysynda Májilis Tóraǵasy, fraksııa jetekshisi Nurlan Nyǵmatýlın málim etti. Jıyn barysynda nurotandyq-májilismender aldaǵy jumys jos­paryn qarap, bekitti. Halyq qalaýlylary eńbek ujymdarymen, shaǵyn jáne orta bıznes ókilderimen kezdesip, áleýmettik nysandardy aralaıdy. Depýtattar uzaqmerzimdi «Qazaqstan-2050» Strategııasyn negizge ala otyryp, elimiz damýynyń basym baǵyttaryn belgilegen Joldaýdyń maqsattary men mindetteri jaıynda keńinen áńgimeleıdi. Bul rette atalǵan strategııalyq qujatty quqyqtyq qamtamasyz etý boıynsha zań shyǵarmashylyq jumysyna basa nazar aýdarylmaq. Sondaı-aq, osy ýaqytqa deıin qa­byl­danǵan jáne qazirgi ýaqytta qaraýǵa alynǵan zańnamalyq akti­ler­ge de basa nazar aýdarylady. Nurlan Nyǵmatýlınniń atap ótkenindeı, Prezıdentimiz eli­miz aldynda úlken múm­kindikterge jol ashyp otyr. Ony júzege asyrýǵa árbir qazaqstandyq belsene aralasýǵa tıis. Májilis spıkeri nasıhat jumysy barysynda oblys, aýdan ortalyqtarymen qatar, shal­ǵaı­daǵy eldi mekenderdi de qamtý mańyzdy ekenin qadap aıtty, dep habarlady osy palatanyń baspasóz qyzmeti.