Prezıdent Atyraýǵa issaparmen keldi

Prezıdent Nursultan Nazarbaev arnaıy issaparmen Atyraý oblysyna keldi. Bul týraly «Qazaqstan» telearnasy habarlady. Sapar barysynda Memleket basshysynyń birqatar nysandardy aralaýy, sondaı-aq oblys jurtshylyǵy ókilderimen kezdesýi josparlanǵan. Búgin sonyń biri -Nazarbaev zııatkerlik mektebinde boldy. Hımııalyq-bıologııalyq baǵyttaǵy 720 oqýshyǵa arnalǵan bul bilim mekemesi 2013 jyldyń qyrkúıek aıynda ashylǵan. Mektepte qatań irikteýden ótken aımaq ustazdary sabaq beredi. Sondaı-aq AQSh, Ulybrıtanııa ,Rýmynııa, Irlandııa elderi men Ońtústik Afrıka Respýblıkasynan kelgen   12 oqytýshy bar. Arnaıy bekitilgen konkýrstyq komıssııa usynysyna saı, osynda qyzmet jasaý úshin 134 adam iriktelgen. Sonyń ishinde 33 qyzmetker muǵalimderdiń biliktiligin arttyrýdyń úsh deńgeıli kýrstarynan ótipti. Al 4 ustaz Nazarbaev ýnıversıteti bazasyndaǵy jyldyq kýrsty bitirgen eken. Jalpy aıtqanda, bir bos orynǵa 6 adam úmitker bolǵan. Nazarbaev zııatkerlik mektebiniń 7-8-9-10 synyptarynda oqý úshin konkýrstyq irikteýge 2978 ótinish kelip túsken. Taǵy bir derek, «О́rken» grantynyń 679 oqýshyǵa berilgeni málim boldy. Al 7 synypta bilim alý úshin konkýrs strategııalyq seriktester - Nıderlandydaǵy pedagogıkalyq bilim ınstıtýtymen (Cito)  jáne AQSh-taǵy Djons Hopkıns ýnıversıtetiniń talantty jastar ortalyǵymen (CTY)  birlese  júrgizildi. Sapar aıasynda Elbasy Atyraý munaı óńdeý zaýytyn aralap, júzege asyp jatqan eki ınvestısııalyq jobamen tanysty. Ol boıynsha bıyl údemeli ındýstrııalyq- ınnovasııalyq damý baǵdarlamasy sheńberinde aramatıkalyq kómirsýtek shyǵaratyn keshenniń iske qosylatyny málim boldy. Al eki jarym jyldan soń munaıdy tereń óńdeý keshenin tapsyrý josparlanyp otyr. Ámirhan Almaǵanbetov. Derekkóz: «Qazaqstan» telearnasy, «Habar» telearnasy. Foto: Aqorda. kz.