Igi is basynda shetel ınvestorlary

Oblysqa balamaly energetıka salasynda jumys isteıtin birqa­tar sheteldik kompanııalardyń basshylary keldi. Strand Partners kompanııasynyń dırektory Amın Adjemı, United Green Group kom­pa­­nııasynyń ınvestısııalar jónindegi dırektory Albreht Frıshenshlıager, Ecap Solution nemis kompanııasynyń basqarýshy dırektory Markýs Haıs jáne qazaq­standyq kompanııalardyń basshylary oblysta qýaty 300 MVt quraıtyn kún elektr stansalaryn salý jobasyn talqylady. Talqylaý barysynda atalǵan jobamen oblys ákimi Kárim Kóki­rek­baev ta muqııat tanysty. «Ecap Solution» nemis kompanııasy aǵymdaǵy jyly Jýaly aýdanynda qýaty 50 MVt quraıtyn kún elektr stansasyn salýdy jos­parlap otyr, olar ony 2015 jyly paıdalanýǵa bermek. Jalpy, nemis kompanııasy oblys boıynsha qaıta qalpyna keletin energııa kózderi salasynda birneshe joba usynǵan. Sonyń ishinde, 2015 jyly 3 joba, 2016 jyly 2 jobany iske asyrýdy maqsat etýde. Kún elektr stansalarynyń árqaısysynyń qýaty 50 MVt-ny quramaq. Oblys ákimi usynylǵan ınno­vasııalyq jobalardyń mańyz­dylyǵyna jáne aımaq ekonomıkasyna tyń serpin beretindigine toqtalyp, jobaǵa kerekti ınfra­qurylymdy «Bıznestiń jol kartasy-2020» memlekettik baǵdarlamasy aıasynda júrgizýdi usyndy. Sonymen qatar, ınvestorlar atalǵan joba boıynsha «Taraz» ÁKQ» AQ jáne «KEGOK» AQ-pen yntymaqtastyq qarym-qatynas ornatpaqshy. О́ńirde qazirdiń ózinde 188 MVt quraıtyn balamaly energetıka nysandary salynyp jatyr. Búginde oblysta osyndaı 5 joba júzege asyrylǵan. Ústimizdegi jyly Qordaı jel elektr stansasynyń 4 megavatty  quraıtyn alǵashqy kezeginiń qurylysy aıaqtalady. Onyń qýaty 2014-2015 jyldary 21 MVt-ǵa jetkiziledi. Sonymen qatar, ınvestorlar qýaty 100 megavatty quraıtyn Jańatas jel elektr stansasynyń, 19,8 megavatt qýaty bar Merki GES-niń kaskady qurylysynyń jáne Jambyl aýdanyndaǵy 24 megavatty quraıtyn kún elektr stansasynyń qurylysyn júrgizbek. Sonyń nátıjesinde aldaǵy jyldary oblystaǵy balamaly energetıkanyń úlesi 40 paıyzǵa jetkizilmek. Kósemáli SÁTTIBAIULY, «Egemen Qazaqstan». Jambyl oblysy.