Jan jomarttyǵy

Kópten kókeıde júrgen kásipkerler týraly áńgimeni jazýdyń reti oıda joqta sheshimin tapqandaı boldy. Osy bir áıel azamattarymyzǵa Qazaq eline táýelsizdiktiń tańymen birge kelgen kásip – saýdagerlik edi. Sonaý, ótken ǵasyrdyń 90-jyldardyń basynda qazaq halqyn ekonomıkalyq qıyndyqtardan alyp shyǵyp, halyqtyń basyna túsken jumyssyzdyqtyń, Úkimettiń keleńsizdigi aýyldardyń kúıreýine ákelgende osy qyz-kelinshekterimiz arysy Qytaı, berisi Bishkek baryp dorba-qapshyǵy, arbasyn arqalap eldi asyrap shyqqan jandar! Tyǵyryqtan shyǵýdyń jolyn, otbasyn saqtap, bala-shaǵanyń qamyn oılaǵan qarakózderimiz er-azamattardan da asyp túsip, qıyndyqqa moıymaı, joqtan bardy jasaǵany orta býyn ókilderine tanys dúnıe. Mine, sol jandardyń biri Tamara Jákenqyzy Sokolova – Qostanaı oblysy Arqalyq qalasyndaǵy «OlVı» JShS pre­zıdenti. Osy «OlVı» serik­testigine qańtardyń 31 juldy­zyn­da qurylǵanyna 20 jyl tolyp, mereıtoılaryn atady. Tamara Jákenqyzyna toq­tal­saq, ol birinshiden eki ultty uıyta bilgen ana, eki balanyń anasy. Nemere inisi Oljas pen tuńǵyshy Vıktordyń esimderiniń alǵy býyndary fırmasynyń ataýyn qurap otyr. 1970 jyldary bir aýyz qazaqsha bilmeıtin, Reseıdiń Chıta qalasynda tý­ǵan Tamara «Búkilodaqtyq kom­somoldyq qurylys» atanǵan Torǵaı oblysynyń ortalyǵy Arqalyq qalasyna jastyqtyń qany boıynda oınap keledi. Torǵaı boksıt ken basqarmasynda geolog bolyp qyzmetke turǵan kópshil de isker qyz sol kezdiń ózinde belsendilik tanytyp komsomol uıymyn basqarady, sodan beri osy Torǵaıdyń sýyǵyna tońyp, ystyǵyna kúıgen jan. Arqalyqtan ómirlik serigi Leonıd Pımanulymen jarasym taýyp otbasyn qurǵan Tamara búginderi ulaǵatty áje de bolyp úlgerdi. Nemeresi Danııl qazir bir jasta. Nemeresine qazaqsha án aıtyp otyrǵan Tamara búginde qazaq tiliniń janashyry, múltiksiz sóıleý onyń qazaqı qasıetine aınalǵan. Jalpy, bul otbasy tý­raly aıtsaq, qalamyzda ınterna­sıo­naldyqtyń týyn kóterip tur deımiz jáne otbasylyq bızneste qur qalǵany joq. Kelini, qazaq qyzy Gúlmıra Bıǵalıqyzy úıde dastarqannyń berekesi bolsa, seriktestiktegi oń qoly, barlyq esep-qısaptyń mamany. Jubaıy Leonıd Sokolov-«OlVı» JShS dırektorynyń orynbasary, mamandyǵy qurylysshy Leonıd Pımanulynyń Arqalyqtyń salynǵan úılerinde alaqan izderi máńgige qaldy, otbasylyq bızneste Leonıd Pımanulynyń eńbegi zor bolǵanyn bizder jaqsy bilemiz. «OlVı» JShS búgingi kúni shaǵyn sehtaryn basqa kásip­kerlerge tabystap, zamana suranymyna oraı memlekettik tapsyrystarmen Qostanaı oblysy aýmaǵynda ońtústik aýdandardy qamtyp qurylys pen aýylsharýashylyq quraldarymen qamtýda. Talaptar negizinde ol zattardy jetkizip berýdi de júıege qoıǵan. Bul, árıne, tapsyrys berýshi jaqtyń ýaqytyn únemdeýge úlken qolǵabys. Aıta bersek, jaza bersek Tama­ra Jákenqyzy Sokolovanyń qalamyzdyń kórkeıýine qosqan úlesi zor, ol jetistikteri aqtalyp Arqalyq qalasynyń 2010 jyly «Jyl adamy» atansa, 2013 jyly res­pýblıka boıynsha «Salanyń kóshbasshysy» ataǵyn ıemdendi.Táýelsizdigimizdiń 20 jyldyǵy me­dali keýdesinde jarqyraǵan jan. Maqalamnyń ataýyn «jan jomarttyǵy» degenim osy Tamarany óte qatań adam deıtinder bar. Ras, bet júzińe qaramaıtyn birbetkeıligi bar, biraq onysy ózine tán dúnıe, jarasyp-aq tur. О́ıtkeni, ol ýáde bermeıdi, berse oryndaıdy. Al janynyń jomarttyǵyna kelsek, jyl saıyn Jeńis kúni óz kafesinde qalanyń soǵys jáne eńbek ardagerlerine arnap as-aýqat usynyp, syılyqtar berýi, ile-shala balalardy qorǵaý kúnine qalanyń barlyq arnaýly ınternat tárbıelenýshilerine mereke uıymdastyryp, qalanyń qaq ortasynda aýlada konsert kórsetip, shaqyrylǵan da, ótip bara jatqandar da mereke qyzyǵyn tamashalaýy úlgi isteriniń biri ǵana. Júreginiń keńdigin bildirgen, janynyń jomarttyǵyn aıǵaqtaǵan «Altyn júrek» nomı­nasııasynyń ıegeri atanǵan Tamara Jáken­qyzyn jany jomart kelinshek dep beker atamadyq. «OlVı»-ińniń ataǵy men qyzmeti el áleýetine qyzmetin osy 20 jylmen shektemeı, jalǵasyn taba beretinine senemiz. Súgirbaı NURMANOV. ARQALYQ.