Senim gramotasyn tapsyrdy

Belgrad qalasynda «Serbııa» Respýblıkalyq saraıynda Qazaqstan Respýblıkasynyń Majarstandaǵy Tótenshe jáne ókiletti elshisi jáne Serbııa Respýblıkasynda elshilik mindetti qosa atqarýshy Nurbah Rústemov Serbııa Respýblıkasynyń Prezıdenti Tomıslav Nıkolıchke Senim gramotasyn tapsyrdy, dep habarlady QR SIM-niń baspasóz qyzmeti. Resmı saltanattan keıin bolǵan suhbatta Serbııa Prezı­denti qazaqstandyq dıplomatty taǵaıyndaýymen quttyqtaı otyryp, kásibı dıplomatııalyq salada tabystar tiledi. Bul rette, ol saıası únqatysýdyń dos­tyq sıpattylyǵyn erekshe atap, Qazaqstan men Ser­bııa arasyndaǵy ekijaqty qarym-qatynastardyń jaı-kúıine joǵary baǵa berdi. Serbııa basshysy Qazaqstan Respýblıkasynyń Prezıdenti N.Nazarbaevqa izgi tilekterin joldap, Elbasyn Belgradqa resmı saparmen kelýge sha­qyrdy. N.Rústemov, óz keze­gin­­­­de, Qazaqstannyń Ser­bııa Respýb­lıkasymen kons­trýk­­tıvti jáne ózara tıim­di yntymaqtastyqty jal­ǵas­ty­­rýǵa, saýda-ekonomıka­lyq, ınves­tısııalyq, má­­­de­­­nı-gýma­nıtarlyq ózara is-qımyldy jandandyrýǵa daıyn ekenin jetkizdi. Suhbat barysynda, halyq­aralyq problematıkanyń negiz­gi aspektileri boıynsha eki el ustanymdarynyń uqsastyǵy aıtyldy. Serbııa 2010 jyl­ǵy Qazaqstannyń EQYU-ǵa tóraǵalyǵyn, sondaı-aq, elimiz­diń 2017-2018 jyldarǵa BUU Qaýipsizdik Keńesiniń turaqty emes músheligine kandıdatýrasyn qoldaýy berik dostyqtyń naqty dáleli bolyp tabylady.