Aqparattyq top Almaty garnızonynda

Almaty garnızonynda Qa­zaq­stan Respýblıkasy Qorǵanys mınıs­trliginiń aqparattyq-nası­hat toby Elbasynyń «Qazaqstan joly – 2050: bir maqsat, bir múdde, bir bolashaq» atty Qazaqstan hal­qyna Joldaýyn iske asyrý sha­ralary sheńberindegi jumysyn bastady. Qazaqstan Respýblıkasy Qa­rý­ly Kúshteri Bas shtaby basty­ǵy­nyń orynbasary – Tárbıe jáne ıdeologııalyq jumystar depar­ta­mentiniń bastyǵy, polkovnık Mu­hamedjan Talasov jetekshilik etetin aqparattyq-nasıhat toby Almaty garnızonynyń áskerı qyzmetshilerine Joldaýdyń negizgi basymdyqtaryn túsindirdi. Áskerı bólim komandırleri, áskerı oqý oryndary men mekeme bastyqtary Elbasy – Qarýly Kúshterdiń Joǵarǵy Bas qolbasshysynyń Joldaýyn talqylady. – Memleket basshysynyń Jol­daýy – strategııalyq qujat, eli­mizdiń 2050 jylǵa deıingi da­mý jolyn aıqyn­daıtyn naq­ty tap­syr­malardan turatyn baǵdar­lama. Elimizdiń kez kelgen azamaty eńbegimen, jumystaǵy tájirıbesimen táýelsiz eldiń ósip-órkendeýine óz úle­sin qosýy kerek, – dep atap ótti top je­tekshisi. Aldaǵy kúnderi aqparattyq-nasıhat tobynyń músheleri jer­gilikti bılik organdarynyń bas­shylyǵymen kezdesip, Qa­rýly Kúshtermen ózara is-qı­myl uıymdastyrý jáne jastar­dy áskerı-patrıottyq rýhta tár­bıeleý máselelerin py­syq­­taıdy. Sondaı-aq, olar ás­kerı qyzmetshilerdiń tynys-tirshiligimen, olardyń otbasylarymen tanysady. Top quramyndaǵy Qorǵanys mı­nıstrliginiń Ortalyq ansambli áskerı bólimder men oqý oryndarynda bolyp, óz ónerlerin kórsetedi. Elbasy Joldaýyn túsindirýge ar­nalǵan toptyń Almaty garnı­zonyndaǵy jumysy 8 aqpanǵa deıin jalǵasatyn bolady. «Egemen-aqparat».