Jasampazdyq jarshysy

Jylqy jyly jaǵymdy jańalyqpen esik ashty. Olaı deýimizdiń mánisi bar. Bul Prezıdentimiz  Nursultan Nazarbaevtyń halyqqa arnaǵan dástúrli Joldaýy bolatyn. Elbasymyzdyń árbir Joldaýynda jalpaq jurttyń ıgilikti qadamy, asqaq bastamalary, úkili úmiti jatyr. Ári sol úmitteri qapysyz aqtalyp ta júr. «Máńgilik  El ata-babalarymyzdyń san myń jyldan bergi asyl armany. «Qazaqstan-2050» Strategııasy Máńgilik Elge bastaıtyn eń abyroıly, eń mártebeli jol», degen Prezıdentimizdiń lebizinen zor áser aldym. Qazaqtyń «Armansyz adam qanatsyz quspen teń» degen danalyǵy bar. Bizdiń ata-babalarymyzdyń basty armany Táýelsizdik bolǵanyn eshkim joqqa shyǵara almaıdy. «Bilikti myńdy jyǵaryn» ómirdiń ózi dáleldeýde. О́rkenıetti elderdiń qataryna enýdi murattaǵan bizdiń elimizde bilim alý jaqsy jolǵa qoıylǵan. Prezıdentimizdiń 2016 jyldan bastap stýdentterdiń shákirtaqysyn arttyrý, jastardyń orta tehnıkalyq bilim alýyn memlekettik kepildendirilgen júıege kóshirýdi qarastyrý qajet degen tapsyrmasy óskeleń býynǵa degen ákelik qamqorlyq desek, jarasymdy. Sondaı-aq, Joldaýda Elbasymyzdyń «Qazaqstan geologııalyq barlaý salasynda álemdik naryqqa shyǵýy, munaı men gaz óndirýdiń múmkindigin aıqyndaýy kerek» deýi kópshiliktiń kókeıindegisin dóp basty. Ne isteý kerek? Jumyr álemdi osyndaı saýal bılegen tusta  Elbasy  Nursultan Nazarbaev bizdiń elimizdiń bolashaǵyn  dál kórsetip berdi. Oǵan Joldaýdaǵy: «Álemniń damyǵan 30 eliniń qataryna qosylýdaǵy umtylysymyzdy eki kezeń arqyly júzege asyrý qajet. I kezeń 2030 jylǵa deıingi kezeńdi qamtıdy. Onda HHI ǵasyr «múmkindikter terezesin» paıdalanyp jańǵyrtý serpilisin jasaý kerek», degen sózder dálel. О́rkenıet kóshine arshyndy qadammen alǵa basqan elimizde buǵan tolyq negiz qalanǵan. Mundaı ahýal bizdiń Syr óńirine de tán. Shaǵyn jáne orta bıznesti damytý Prezıdentimizdiń qashanda turaqty nazarynda. Kásipkerlerge túrli jeńildikter jasalyp, qarjylaı qoldaý kórsetilýi kásip ıeleriniń óz isine degen senimin nyǵaıta túsýde. Meni, ásirese, Joldaýdaǵy aýyl sharýa­shy­ly­ǵynda bıznesti damytý, jerdi tıimdi paıda­lanýǵa kedergi keltiretin tosqaýyldardy joıý, Qazaqstannyń agroónerkásip kesheniniń ınnovasııalyq baǵytqa kóshýin qamtamasyz etý jaıy qatty tolǵandyrdy. Aýyldyń órkendeýi Qazaqstannyń órkendeýi. Olaı bolsa, dala perzentteriniń turmys-tirshiligi munan da góri jaqsara túserine daý joq. Samurat IMANDOSOV, oblystyq máslıhat depýtaty, «Rza» AQ-tyń prezıdenti. Qyzylorda oblysy, Qazaly aýdany.